ହଙ୍ଗଝୌ: ଚୀନର ହଙ୍ଗଝୌରେ ଚାଲିଥିବା 19ତମ ଏସୀୟ କ୍ରୀଡ଼ାରେ ଚମକିଛନ୍ତି ଭାରତୀୟ । ତୃତୀୟ ଦିବସରେ ଭାରତକୁ ସ୍ବର୍ଣ୍ଣିମ ସଫଳତା ମିଳିଛି । ସୁଟିଂ ଟିମ୍ ଇଭେଣ୍ଟରେ ଭାରତକୁ ପ୍ରଥମ ସ୍ବର୍ଣ୍ଣ ପଦକ ମିଳିଛି । 10 ମିଟର ପୁରୁଷ ରାଇଫଲସରେ ଭାରତକୁ ସ୍ବର୍ଣ୍ଣ ପଦକ ମିଳିଛି । ବର୍ତ୍ତମାନ ସୁଦ୍ଧା ଭାରତର ପଦକ ସଂଖ୍ୟା 9ରେ ପହଞ୍ଚିଛି । ତୃତୀୟ ଦିନରେ ରିପୋର୍ଟ ଲେଖା ଯିବା ସୁଦ୍ଧା ଭାରତ ଗୋଟିଏ ସ୍ବର୍ଣ୍ଣ ଓ 3ଟି ବ୍ରୋଞ୍ଜ ପଦକ ହାସଲ କରିଛି । ପୁରୁଷ ସୁଟିଂ ଟିମ୍ ଇଭେଣ୍ଟରେ ସ୍ବର୍ଣ୍ଣ ପଦକ ଜିତିଥିବାବେଳେ ରୋଇଂ ଟିମ୍ ଇଭେଣ୍ଟରେ ଭାରତ ତୃତୀୟ ସ୍ଥାନରେ ରହି ବ୍ରୋଞ୍ଜ୍ ପଦକ ଜିତିଛି ।
ଏସୀୟ କ୍ରୀଡାରେ ଭାରତକୁ ପ୍ରଥମ ସ୍ବର୍ଣ୍ଣ ପଦକ ମିଳିଛି । 10 ମିଟର ଏୟାର ରାଇଫଲ ଟିମ ଇଭେଣ୍ଟରେ ସ୍ବର୍ଣ୍ଣିମ ସଫଳତା ହାସଲ କରିଛନ୍ତି ରୁଦ୍ରଣଖା ପାଟିଲ, ଐଶ୍ବର୍ଯ୍ୟା ପ୍ରତାପ ତୋମାର, ଦିବ୍ୟାଂଶ ପାନୱାର । ସେହିପରି ରୋଇଂ ବା ନୌକା ଚାଳନାରେ ଭାରତକୁ ବ୍ରୋଞ୍ଜ ପଦକ୍ ମିଳିଛି । ମେନ୍ ଫର୍ ଫାଇନାଲରେ 06:10.81 ସମୟ ନେଇ ତୃତୀୟ ସ୍ଥାନ ସହିତ ବ୍ରୋଞ୍ଜ ପଦକ ମିଳିଛି । ଯଶୱିନ୍ଦର ସିଂହ, ଭୀମ ସିଂହ, ପୁନୀତ କୁନାର ଓ ଆଶିଷ ବୋଞ୍ଜ ପଦକ ଜିତିଛନ୍ତି । ଏହି ସଫଳତା ସହିତ ଭାରତର ପଦକ ସଂଖ୍ୟା 9ରେ ପହଞ୍ଚିଛି । ସେହିପରି ବ୍ୟକ୍ତିଗତ 10ମିଟର ଏୟାର ରାଇଫଲସରରେ ଐଶ୍ବର୍ଯ୍ୟା ପ୍ରତାପ ତୋମାର ବ୍ରୋଞ୍ଚ ପଦକ ହାସଲ କରିଛନ୍ତି । ସେହପରି 6:08:61ସମୟ ନେଇ ରୋଇଂ ବା ନୌଚାଳନା ପୁରୁଷ କ୍ବାଡରୁପ୍ଲେ ସ୍କଲ ଟିମର ସତନାମ ସିଂହ, ପରମିନ୍ଦର ସିଂହ, ସୁଖମିତ ଏବଂ ଜାକର ଖାନ କାଂସ୍ୟ ପଦକ ଜିତିଛନ୍ତି ।
ଏହା ବି ପଢନ୍ତୁ...Asian Games 2023: ରୋଇଂ ଓ ସୁଟିଂରେ ଭାରତକୁ ପଦକ, ରୌପ୍ୟ ପଦକ ହାତେଇଲେ ଆଥଲେଟ