Asia Cup Hockey: ସେମିଫାଇନାଲରେ ମହିଳା ହକି ଟିମ ଇଣ୍ଡିଆ

ମହିଳା ଏସିଆ କପ୍‌ ହକି(Asia Cup Hockey) ଚମ୍ପିଆନସିପ୍‌ର ସେମିଫାଇନାଲ ପ୍ରବେଶ ସହ ଭାରତୀୟ ମହିଳା ହକି ଟିମ ସ୍ପେନ୍‌ ଓ ନେଦରଲାଣ୍ଡ୍‌ସରେ ଚଳିତ ବର୍ଷ ଶେଷ ଭାଗରେ ଖେଳାଯିବାକୁ ଥିବା ୨୦୨୨ FIH ମହିଳା ହକି ବିଶ୍ବକପ ପାଇଁ ଯୋଗ୍ୟତା ଅର୍ଜନ କରିଛି । ଅଧିକ ପଢନ୍ତୁ

ମସ୍କଟ(ଓମାନ):ଚଳିତ ମହିଳା ଏସିଆ କପ୍‌ ହକି ଚମ୍ପିଆନସିପ୍‌ରେ ଟିମ ଇଣ୍ଡିଆର ଜବରଦସ୍ତ ପ୍ରଦର୍ଶନ । କ୍ବାର୍ଟର-ଫାଇନାଲ ମୁକାବିଲାରେ ସିଙ୍ଗାପୁରକୁ ୯-୧ ଗୋଲ୍‌ରେ ହରାଇ( India beat Singapore) ସେମିଫାଇନାଲରେ ପ୍ରବେଶ କରିଛି ଭାରତ । ଜାପାନ ଠାରୁ ୦-୨ରେ ପରାଜୟ ପରେ ସବିତା ପୁନିଆଙ୍କ ନେତୃତ୍ବାଧୀନ ଟିମ ଦମଦାର କମବ୍ୟାକ୍‌ ସହ ଅବିଶ୍ବସନୀୟ ବିଜୟ ହାସଲ କରିଛି । ଏହି ବିଜୟ ସହ ଭାରତୀୟ ମହିଳା ହକି ଟିମ ସ୍ପେନ୍‌ ଓ ନେଦରଲାଣ୍ଡ୍‌ସରେ ଚଳିତ ବର୍ଷ ଶେଷ ଭାଗରେ ଖେଳାଯିବାକୁ ଥିବା ୨୦୨୨ FIH ମହିଳା ହକି ବିଶ୍ବକପ ପାଇଁ ଯୋଗ୍ୟତା ଅର୍ଜନ କରିଛି ।

ମ୍ୟାଚ୍‌ ଆରମ୍ଭରୁ ଦୁଇଟି ଗୋଲ୍‌ ଭାରତ ବିପକ୍ଷରେ ପଡିବା ପରେ ଆକ୍ରମଣାତ୍ମକ ରଣନୀତି ସହ ଗୋଲ୍‌ ବର୍ଷା କରିଥିଲେ ଭାରତୀୟ ଖେଳାଳି । ଗୁରଜିତ କୌର ସର୍ବାଧିକ ୩ଟି ଗୋଲ୍‌(୮', ୩୭', ୪୮') ସହ hat-tricର ଅଧିକାରୀ ହୋଇଥିଲେ । ମୋନିକା(୬', ୧୭'), ଜ୍ୟୋତି (୪୩', ୫୮'), ବନ୍ଦନା କାଟାରିୟା(୮) ଓ ଓଡିଆ ଝିଅ ମାରିଆନା କୁଜୁର(୧୦') ଗୋଲ୍‌ ସ୍କୋର୍‌ କରିଥିଲେ । ସିଙ୍ଗାପୁର ପକ୍ଷରୁ ଏକମାତ୍ର ଗୋଲ୍‌ ଲି ମିନ ତୋହ ମ୍ୟାଚ୍‌ର ୪୩ତମ ମିନିଟ୍‌ରେ କରିଥିଲେ । ବୁଧବାର(ଜାନୁଆରୀ ୨୬) ଖେଳାଯିବାକୁ ଥିବା ସେମିଫାଇନାଲ ମୁକାବିଲାରେ ଭାରତ ସୁଲତାନ କାବୁସ ସ୍ପୋର୍ଟ୍ସ କମ୍ପ୍ଲେକ୍ସରେ ଦକ୍ଷିଣ କୋରିଆକୁ ଭେଟିବ ।

IANS