ଜାକର୍ତ୍ତା(ଇଣ୍ଡୋନେସିଆ): ଏସିଆ କପ୍ ହକି ଟୁର୍ଣ୍ଣାମେଣ୍ଟରେ ଭାରତୀୟ ପୁରୁଷ ହକି ଟିମର ଦମଦାର ବିଜୟ । Super4 ମ୍ୟାଚ୍ରେ ଜାପାନକୁ ୨-୧ରେ ହରାଇଲା ବୀରେନ୍ଦ୍ର ଲାକ୍ରାଙ୍କ ଟିମ । ଡିଫେଣ୍ଡିଂ ଚାମ୍ପିୟନ ଭାରତ ଟୁର୍ଣ୍ଣାମେଣ୍ଟ ଆରମ୍ଭରେ ଗ୍ରୁପ ପର୍ଯ୍ୟାୟ ମ୍ୟାଚ୍ରେ ଜାପାନିଜ ଟିମ ଠାରୁ ୫-୨ରେ ପରାସ୍ତ ହୋଇଥିଲା । ତେବେ ଶନିବାର ଜବରଦସ୍ତ ପ୍ରଦର୍ଶନ ସହ ବିଜୟୀ ହୋଇଛି ଭାରତ ।
ବୀରେନ୍ଦ୍ର ଲାକ୍ରାଙ୍କ ନେତୃତାଧୀନ ଭାରତୀୟ ଟିମ ମ୍ୟାଚ୍ ଆରମ୍ଭରୁ ଆକ୍ରମଣାତ୍ମକ ରଣନୀତି ସହ ଖେଳିଥିଲା । ପ୍ରଥମ କ୍ବାର୍ଟରରେ ମ୍ୟାଚ୍ର ସପ୍ତମ ମିନିଟ୍ରେ ମନଜିତ୍ ଏକ ଚମତ୍କାର ଫିଲ୍ଡ ଗୋଲ୍ କରିବା ପରେ ୧-୦ରେ ଆଗୁଆ ହୋଇଥିଲା ଭାରତ । ତେବେ ଦ୍ବିତୀୟ କ୍ବାର୍ଟରରେଏକ ପେନାଲିଟି କର୍ଣ୍ଣର ସୁଯୋଗର ଫାଇଦା ଉଠାଇ ୧୭ତମ ମିନିଟ୍ରେ ନିୱା ତାକୁମା ଗୋଲ୍ କରିବା ପରେ ଜାପାନ ସ୍କୋର ବରାବର କରିଥିଲା ।