ହାଇଦ୍ରାବାଦ: ମହାମାରୀ ସଙ୍କଟ ମଧ୍ୟରେ ପ୍ରବଳ ବର୍ଷା ଓ ବନ୍ୟା ତେଲେଙ୍ଗାନାବାସୀଙ୍କୁ ଡରାଇଛି । ପ୍ରକୃତିର ଏହି କରାଳ ବର୍ଷା ଗଗନ ନାରଙ୍ଗଙ୍କ ଏକାଡେମୀକୁ ମଧ୍ୟ କ୍ଷତି ପହଞ୍ଚାଇଛି । ଅଲମ୍ପିକ ପଦକ ବିଜେତା ନାରଙ୍ଗଙ୍କ 'ଗନ ଫର୍ ଗ୍ଲୋରି' ସୁଟିଂ ଏକାଡେମୀରେ ବର୍ଷାପାଣି ପଶି ରାଇଫଲ ଓ ପିସ୍ତଲ ସମେତ 1.3କୋଟିର ଉପକରଣ ନଷ୍ଟ ହୋଇଛି ।
ନାରଙ୍ଗ ସୋସିଆଲ ମିଡିଆରେ ପୋଷ୍ଟ କରି ଏହି କ୍ଷୟକ୍ଷତିର ସୂଚନା ଦେଇଛନ୍ତି ।
ନାରଙ୍ଗ କହିଛନ୍ତି ଯେ, ସିଟିଂ ରେଞ୍ଜରେ ପାଣି ପଶି 80ନୂଆ ରାଇଫଲ ଓ ପିସ୍ତଲ ସମେତ1.3କୋଟିର ଉପକରଣ ଖରାପ ହୋଇଯାଇଛି । ବନ୍ୟା ଗନ ଫର୍ ଗ୍ଲୋରି ଟିମର 9ବର୍ଷର ପରିଶ୍ରମକୁ ପ୍ରଭାବିତ କରିଛି । ପ୍ରଥମେ କୋଭିଡ-19 ପରେ ବନ୍ୟା ଆମକୁ କଷ୍ଟ ଦେଇଛି । ଏହି ସବୁ ଉପକରଣ ଆଗାମୀ ଚମ୍ପିଆନ୍ସଙ୍କ ପାଇଁ ଥିଲା ।
ଗଗନ ନାରଙ୍ଗ ପ୍ରଥମ ଭାରତୀୟ ଭାବେ ଲଣ୍ଡନ ଅଲମ୍ପିକ ପାଇଁ ଯୋଗ୍ୟତା ହାସଲ କରିଥିଲେ । ସେ 2012 ଲଣ୍ଡନ ଅଲମ୍ପିକରେ 10ମିଟର ଏୟାର ରାଇଫାଲ ପୁରଷ ବର୍ଗରେ 701.1 ଅଙ୍କ ରଖି ବ୍ରୋଞ୍ଚ ପଦକ ହାସଲ କରିଥିଲେ ।