ଭୁବନେଶ୍ବର: ଭାରତୀୟ ମହିଳା ରିଲେ ରେସ୍ ଟିମରେ ଦୂତୀ ଚାନ୍ଦ । ପୋଲାଣ୍ଡର କ୍ରଜୋରେ ମଇ 1ରୁ ହେବାକୁ ଥିବା ୱାର୍ଲ୍ଡ ଆଥଲେଟିକ ରିଲେ ପ୍ରତିଯୋଗିତା ପାଇଁ ଆଥଲେଟିକ ଫେଡେରେସନ ଅଫ ଇଣ୍ଡିଆ 20 ଜଣିଆ ଦଳ ଘୋଷଣା କରିଛି । ଘୋଷିତ ଦଳରେ 6ସଦସ୍ୟ ବିଶିଷ୍ଟ ଭାରତୀୟ ମହିଳା 4X100 ମିଟର ସ୍କ୍ବାଡରେ ଦୂତୀଙ୍କୁ ସ୍ଥାନ ମିଳିଛି ।
ଏହି ପ୍ରତିଯୋଗିତା ଏପ୍ରିଲ 2019ରେ ହୋଇଥିବା ଏସିଆନ ଆଥଲେଟିକ୍ସ ଚମ୍ପିଆନସିପ ପରେ ଭାରତୀୟ ଧାବିକାଙ୍କ ପାଇଁ ପ୍ରଥମ ବଡ ଅନ୍ତର୍ଜାତୀୟ ଇଭେଣ୍ଟ ହେବ ।
ଦୂତୀଙ୍କ ବ୍ୟତୀତ ହିମା ଦାସ, ଏସ ଧନଲକ୍ଷ୍ମୀ, ହିମଶ୍ରୀ ରାୟ, ଅର୍ଚ୍ଚନା ସୁସିନ୍ଦ୍ରନ ଓ ଏଟି ଧନେଶ୍ବରୀ ଆଦି ଖେଳାଳି ରହିଛନ୍ତି । ଏହି ପ୍ରତିଯୋଗିତା ଅଲମ୍ପିକ ଯୋଗ୍ୟତା ପର୍ଯ୍ୟାୟ ଇଭେଣ୍ଟ ହୋଇଥିବାରୁ ଦୂତୀଙ୍କ ପାଇଁ ବେଶ ଗୁରୁତ୍ବପୂର୍ଣ୍ଣ ରହିଛି । ପୁରୁଷ ବର୍ଗରେ ମଧ୍ୟ ଭାରତୀୟ ଟିମ ଏହି ପ୍ରତିଯୋଗିତାରେ ଅଂଶଗ୍ରହଣ କରିବ । ୱାର୍ଲ୍ଡ ଆଥଲେଟିକ ରିଲେର ଶ୍ରେଷ୍ଠ 8ଟି ଟିମ ସିଧାସଳଖ ଟୋକିଓ ଅଲମ୍ପିକ୍ସ ପାଇଁ ଯୋଗ୍ୟତା ଅର୍ଜନ କରିବେ ।