ଭୁବନେଶ୍ବର: ଭାରତୀୟ ପୁରୁଷ ହକି ଦଳ ଅଲମ୍ପିକ ଯୋଗ୍ୟତା ପର୍ଯ୍ୟାୟର ପ୍ରଥମ ମ୍ୟାଚରେ ଋଷିଆକୁ ପରାସ୍ତ କରି ଟୋକିଓ ଟିକେଟର ନିକଟତର ହୋଇଛି । ତେବେ ଏହି ମ୍ୟାଚରେ ଆହତ ବରୁଣଙ୍କ ସ୍ଥାନରେ ଦଳ ପକ୍ଷରୁ ବୀରେନ୍ଦ୍ର ଲାକ୍ରା ଟିମରେ ସାମିଲ ହୋଇଥିଲେ । ଟିମର ବିଜୟ ପରେ ସେ କହିଛନ୍ତି ଯେ, ବିଜୟରୁ ଆରମ୍ଭ ହୋଇଛି କିନ୍ତୁ 2ୟ ମ୍ୟାଚରେ ଏବେ ଫୋକସ କରିବାକୁ ପଡିବ।
'60 ମିନିଟ୍ ପୂରା ଜୋସ୍ରେ ଖେଳିବାକୁ ପଡିବ'
ଅଲମ୍ପିକ ଯୋଗ୍ୟତା ପର୍ଯ୍ୟାୟ ପ୍ରଥମ ମ୍ୟାଚରେ ଭାରତୀୟ ପୁରୁଷ ହକି ଦଳ 4-2ଗୋଲ୍ରେ ଋଷିଆକୁ ପରାସ୍ତ କରିଛି। ଭାରତୀୟ ଦଳରେ ସାମିଲ ହୋଇଥିବା ଓଡିଆ ଖେଳାଳି ବୀରେନ୍ଦ୍ର ଲାକ୍ରା କହିଛନ୍ତି ଯେ, ଅନ୍ତିମ ଫଳାଫଳ ନଆସିବା ଯାଏଁ ରିଲାକ୍ସ ହୋଇ ପାରିବୁ ନାହିଁ।
Birendra Lakra
ସେ ଆହୁରି ମଧ୍ୟ କହିଛନ୍ତି ଯେ, ଆମକୁ ଆରମ୍ଭର 60ମିନିଟ ନିଜର ବେଷ୍ଟ ଦେଇ ଖେଳିବାକୁ ପଡିବ। ବିପକ୍ଷ ଦଳ ଋଷିଆ ବି ଭଲ ଖେଳୁଛି। ଅନ୍ତିମ ଫଳାଫଳ ନ ଆସିବା ଯାଏଁ ଆରାମ କରି ପାରିବୁ ନାହିଁ ।