କଳିଙ୍ଗ ବୁଲିଲେ କମଲ, ଭାରତୀୟ ଦଳକୁ ଦେଲେ ଶୁଭେଚ୍ଛା

ମଙ୍ଗଳବାର ଓଡ଼ିଶା ଗସ୍ତରେ ଆସିଥିବା ତାମିଲ ସୁପରଷ୍ଟାର ତଥା ପଦ୍ମଭୂଷଣ କମଲ ହାସନ କଳିଙ୍ଗ ଷ୍ଟାଡିୟମ ବୁଲିଦେଖିଛନ୍ତି ।

ଭୁବନେଶ୍ବର: ମଙ୍ଗଳବାର ଓଡ଼ିଶା ଗସ୍ତରେ ଆସିଥିବା ତାମିଲ ସୁପରଷ୍ଟାର ତଥା ପଦ୍ମଭୂଷଣ କମଲ ହାସନ କଳିଙ୍ଗ ଷ୍ଟାଡିୟମ ବୁଲିଦେଖିଛନ୍ତି । ଷ୍ଟାଡିୟମରେ ଉପଲବ୍ଧ ସୁବିଧା ସୁଯୋଗ ଏବଂ ବିଶ୍ୱସ୍ତରୀୟ ଭିତ୍ତିଭୂମି ପାଇଁ ସେ ରାଜ୍ୟ ସରକାରଙ୍କୁ ମନଭରି ତାରିଫ କରିଥିଲେ ।

କଳିଙ୍ଗ ବୁଲିଲେ କମଲ

ଷ୍ଟାଡିୟମ ପରିଦର୍ଶନ ଅବସରରେ ସେ ଆଇଏସଲ ଫୁଟବଲର ରାଜ୍ୟ ଫ୍ରାଞ୍ଚାଇଜ୍‌ ଓଡିଶା ଏଫସି ଖେଳାଳିଙ୍କ ସହିତ ମିଶିଥିଲେ । ଏଥିସହ ସେ ହକି କମ୍ପ୍ଲେକ୍ସକୁ ଯାଇ ଭାରତୀୟ ଦଳର ଖେଳାଳିଙ୍କୁ ମଧ୍ୟ ଭେଟିଥିଲେ । ସେଠାରେ ମଧ୍ୟ ତାଙ୍କୁ ଭାରତୀୟ ଦଳର ଏକ ଜର୍ସି ପ୍ରଦାନ କରାଯାଇଥିଲା । ପରେ ଭାରତୀୟ ହକି ଦଳର ଅଧିନାୟକ ମନପ୍ରୀତ ସିଂ, ତାରକା ଗୋଲକିପର ପି.ଆର. ଶ୍ରୀଜେଶ ପ୍ରମୁଖ ତାଙ୍କ ସହ ଫଟୋ ଉଠାଇଥିଲେ । ଆଗାମୀ ଦିନରେ ହେବାକୁ ଥିବା ଟୁର୍ଣ୍ଣାମେଣ୍ଟ ପାଇଁ ଖେଳାଳିମାନଙ୍କୁ କମଲ ଶୁଭେଚ୍ଛା ଜଣାଇଥିଲେ ।