'ପ୍ରଥମ ଗୋଲ କରି ବହୁତ ଖୁସି'

ଅଲମ୍ପିକ ଟିକେଟ ଲଢେଇରେ ଆମେରିକା ମହିଳା ହକି ଦଳକୁ 5-1 ଗୋଲରେ ହରାଇଛି ଭାରତୀୟ ମହିଳା ହକି ଦଳ । ତେବେ ଘରୋଇ ଗ୍ରାଉଣ୍ଡରେ ଦଳ ପକ୍ଷରୁ ପ୍ରଥମ ଗୋଲ କରିଥିଲେ ଲିଲିମା ମିଞ୍ଜ ।

ଭୁବନେଶ୍ବର: ଅଲମ୍ପିକ ଯୋଗ୍ୟତା ପର୍ଯ୍ୟାୟ ମ୍ୟାଚରେ ଭାରତୀୟ ମହିଳା ହକି ଦଳ ଅତିଥି ଦଳକୁ 5-1ରେ ପରାସ୍ତ କରିଛି । ତେବେ ଏହି ମ୍ୟାଚରେ ଟମ୍‌ ଇଣ୍ଡିଆ ପକ୍ଷରୁ ଓଡିଆ ଝିଅ ଲିଲିମା ମିଞ୍ଜ 28ମିନିଟିରେ ବିପକ୍ଷ ଦଳକୁ ପ୍ରଥମ ଗୋଲ୍‌ କରିଥିଲେ ।

ମ୍ୟାଚ ପରେ ଲିଲିମା କହିଛନ୍ତି ଯେ, ଦଳ ପାଇଁ ପ୍ରଥମ ଗୋଲ ମୋ ଦ୍ବାରା ହୋଇଥିବାରୁ ବହୁତ ଖୁସି ଲାଗୁଛି । ଦଳ ଭଲ ପ୍ରଦର୍ଶନ କରିଛି । 2ୟ ମ୍ୟାଚରେ ଟିମ ଆହୁରି ଭଲ ଖେଳିବ ।

ସେହିପରି ଟିମ୍‌ରେ ସାମିଲ ହୋଇଥିବା ଆଉ ଜଣେ ଓଡିଆ ଝିଅ ଦୀପଗ୍ରେସ ଏକ୍କା ଘରୋଇ ଦର୍ଶକଙ୍କ ସାମ୍ନାରେ ଖେଳି ଓ ସେମାନଙ୍କର ସମର୍ଥନ ପାଇ ବେଶ୍‌ ଖୁସି ଥିବା କହିଛନ୍ତି ।

ଏହି ମ୍ୟାଚରେ ଭାରତୀୟ ଦଳ ବିପକ୍ଷ ଦଳକୁ ଚାପରେ ପକେଇ ଦେଇଥିଲା । ଖେଳ ଶେଷରେ ଭାରତ 5-1ଗୋଲ୍‌ରେ ଆମେରିକାକୁ ମାତ୍‌ ଦେଇଥିଲା ।