ଇପୋ (ମାଲେସିୟା): ଭାରତର ବିଜୟଧାରା ଅବ୍ୟାହତ ରହିଛି । ଚଳିତ ସୁଲତାନ ଆଜଲାନ ଶାହା କପର ଶେଷ ଲିଗ ମ୍ୟାଚକୁ ଭାରତ ବିଶାଳ ସ୍କୋରରେ ଜିତି ଟୁର୍ଣ୍ଣାମେଣ୍ଟରେ ସବୁଠାରୁ ଶକ୍ତିଶାଳୀ ଦଳ ଭାବେ ଉଦ୍ଭା ହୋଇଛି । ଶୁକ୍ରବାର ଖେଳାଯାଇଥିବା ପୋଲାଣ୍ଡ ବିପକ୍ଷ ମ୍ୟାଚରେ ଭାରତ 10-0ଗୋଲ ବ୍ୟବଧାନରେ ବିଜୟ ହାସଲ କରିଛି । ତେବେ ଲିଗ ପର୍ଯ୍ୟୟର ୫ଟି ମ୍ୟାଚରୁ ୪ ବିଜୟ ଓ ଗୋଟିଏ ଡ୍ରସହ ୧୩ ପଏଣ୍ଟ ହାସଲ କରି ପ୍ରଥମ ସ୍ଥାନରେ ରହିଛି ।
ତେବେ ପୂର୍ବରୁ ଫାଇନାଲରେ ସ୍ଥାନ ପକ୍କା କରିସାରିଥିବା ଭାରତ ପାଇଁ ଏହି ମ୍ୟାଚ କେବଳ ଔପଚାରିକ ଥିଲା। ଏହା ପୂର୍ବରୁ ଭାରତ ପ୍ରଥମ ମ୍ୟାଚରେ ଜାପାନକୁ ୨-୦ ଗୋଲରେ ହରାଇଥିବା ବେଳେ ଦ୍ବିତୀୟ ମ୍ୟାଚରେ ଦକ୍ଷିଣ କୋରିଆ ସହ ୧-୧, ତୃତୀୟ ମ୍ୟାଚରେ ମାଲେସିୟାକୁ ୪-୨ ଏବଂ ଚତୁର୍ଥ ମ୍ୟାଚରେ କ୍ୟାନାଡାକୁ ୭-୩ ଗୋଲରେ ପରାସ୍ତ କରିଥିଲା । ତେବେ ଶନିବାର ଟୁର୍ଣ୍ଣାମେଣ୍ଟର ଫାଇନାଲ ମୁକାବିଲାରେ ଶକ୍ତିଶାଳୀଦକ୍ଷିଣ କୋରିଆକୁ ଭେଟୁଛି ଭାରତ ।