ଭୁବନେଶ୍ବର: ଆଜି ଜାତୀୟ କ୍ରୀଡା ଦିବସ । ଏଥିସହ ହକିର ଯାଦୁଗର ମେଜର ଧ୍ୟାନ ଚାନ୍ଦଙ୍କ ଜନ୍ମଜୟନ୍ତୀ । ଏହି ଦିବସକୁ ଜାତୀୟ କ୍ରୀଡା ଦିବସ ରୂପେ ପାଳନ କରାଯାଏ । ଏହି ଅବସରରେ କଳିଙ୍ଗ ଷ୍ଟାଡିୟମରେ କ୍ରୀଡା ଦିବସ କରାଯିବା ସହ ହକି ଆନ୍ଥେମର ଡମି ଭିଡିଓ ରିଲିଜ୍ ହୋଇଛି । ଏହାକୁ ଲୋକାର୍ପିତ କରିଛନ୍ତି ପୂର୍ବତନ ଭାରତୀୟ ହକି ଦଳର କ୍ୟାପଟେନ୍ ଦିଲୀପ ତିର୍କି ।
ଜାତୀୟ କ୍ରୀଡା ଦିବସ, ରିଲିଜ ହେଲା ହକି ଆନ୍ଥେମ୍
ହକି ଖେଳାଳିଙ୍କୁ ଉତ୍ସାହିତ କରିବା ପାଇଁ ପ୍ରସ୍ତୁତ ହୋଇଛି ଏହି ଆନ୍ଥେମ୍ । ରାଜ୍ୟ ସରକାର ଏବଂ ହକି ଇଣ୍ଡିଆର ଅନୁମତି ନେଇ ସ୍ବତନ୍ତ୍ର ଭିଡିଓ ପ୍ରସ୍ତୁତ କରାଯାଇଛି । ଏହାର ମ୍ୟୁଜିକ ଦେଇଛନ୍ତି ଓଡ଼ିଆ ସଙ୍ଗୀତ ନିର୍ଦ୍ଦେଶକ ପ୍ରେମ ଆନନ୍ଦ । ଆନ୍ଥେମର ଝଲକରେ କଣ୍ଠଶିଳ୍ପୀ ବିଶ୍ବଜିତ ମହାପାତ୍ର କଣ୍ଠଦାନ କରିଥିବା ନଜର ଆସିଛି । ତେବେ ଖୁବଶୀଘ୍ର ଏହାର ଅରିଜିନାଲ ଭିଡିଓ ଆସିବାକୁ ଥିବାବେଳେ ବଲିଉଡ କଣ୍ଠଶିଳ୍ପୀ କୈଳାସ ଖେର୍ ଏବଂ ସୁଖବିନ୍ଦର ସିଂ ଏହି ଆନ୍ଥେମ୍ ଗାଇବେ ବୋଲି ଜଣାପଡିଛି ।