ନୂଆଦିଲ୍ଲୀ: ଏଫଆଇଏଚ ପ୍ରୋ ଲିଗ୍ରେ ଅଷ୍ଟ୍ରେଲିଆ-ଭାରତ ଆସନ୍ତା 21 ଓ 22 ତାରିଖରେ ମୁହାଁମୁହିଁ ହେବେ । ଏହି ମ୍ୟାଚ ଘରୋଇ କଳିଙ୍ଗ ଷ୍ଟାଡିୟମରେ ଖେଳାଯିବ । ତେବେ ଏହି ମ୍ୟାଚ ପାଇଁ ମଙ୍ଗଳବାର ଦିନ 24ସଦସ୍ୟ ଭାରତୀୟ ଟିମର ଘୋଷଣା କରାଯାଇଛି । ଏହି ଦଳର ନେତୃତ୍ବ ନେବେ ମନପ୍ରୀତ ସିଂ ଓ ଉପ ଅଧିନାୟକ ଦାୟିତ୍ବ ନେବେ ହରମନପ୍ରୀତ ସିଂ ।
ତେବେ ଘୋଷିତ ଦଳରେ ଓଡିଶାର ଡିଫେଣ୍ଡର ଅମିତ ରୋହିଦାସ ଓ ବିରେନ୍ଦ୍ର ଲାକ୍ରା ସାମିଲ ଅଛନ୍ତି । ଏନେଇ ମୁଖ୍ୟମନ୍ତ୍ରୀ ଓଡିଆ ଖେଳାଳି ଦୁହିଁଙ୍କୁ ଅଭିନନ୍ଦନ ଜଣାଇଛନ୍ତି ।
ଟିମର ଗ୍ରାହମ ରୀଡ କହିଛନ୍ତି ଯେ, ବିଶ୍ବ ଚମ୍ପିଆନ ସହ ମୁକାବିଲା ପରେ ଆମ ଟିମ ଆଉ ଏକ ମଜବୁତ ଟିମ ସହ ଖେଳିବ । ଆମେ ପୁଣି ଟିମରେ ମଜବୁତ ଖେଳାଳିଙ୍କୁ ସ୍ଥାନ ଦେଇଛୁ ।
ଭାରତୀୟ ଦଳ: ପିଆର ଶ୍ରୀଜେସ, କ୍ରିଶନ୍ ପାଠକ, ହରମନପ୍ରୀତ ସିଂ(ଉପ ଅଧିନାୟକ), ଗୁରିନ୍ଦର ସିଂ, ଅମିତ ରୋହିଦାସ, ସୁରେନ୍ଦ୍ର କୁମାର, ,ରୁପିନ୍ଦର ପାଲ ସିଂ, ମନପ୍ରୀତ ସିଂ(ଅଧିନାୟକ),ବିବେକ ସାଗର ପ୍ରସାଦ, ଚିଙ୍ଗଲେନସନା ସିଂ, ରାଜ କୁମାର ପାଲ, ଦିଲପ୍ରୀତ ସିଂ, ହାର୍ଦ୍ଦିକ ସିଂ, ରମନଦୀପ ସିଂ, ଲଳିତ ଉପାଧ୍ୟାୟ, ଜଅରମନପ୍ରୀତ ସିଂ ସିମରନଜିତ୍ ସିଂ, ଗୁରସାହିବଜୀତ ସିଂ, କୋଥାଜିତ ସିଂ, ବୀରେନ୍ଦ୍ର ଲାକ୍ରା, ନୀଲକଣ୍ଠ ଶର୍ମା, ଗୁରଜନ୍ତ ସିଂ, ଏସ ଭି ସୁନୀଲ, ସୁମିତ ।
ବ୍ୟୁରୋ ରିପୋର୍ଟ, ଇଟିଭି ଭାରତ
