ଭୁବନେଶ୍ବର:ଦେଶର କ୍ରୀଡା ରାଜଧାନୀ ଓଡିଶାରେ ପୁଣି କେନ୍ଦ୍ରୀଭୁତ ହେବାକୁ ଯାଉଛି ବିଶ୍ବର ନଜର । ବୁଧବାର (ନଭେମ୍ବର ୨୪) ଠାରୁ ଐତିହାସିକ କଳିଙ୍ଗ ହକି ଷ୍ଟାଡିୟମରେ ଆରମ୍ଭ ହେବାକୁ ଯାଉଛି ପୁରୁଷ କନିଷ୍ଠ ହକି ବିଶ୍ବକପ ୨୦୨୧ (Hockey Men's Junior WC) । ଏହି ମେଗା ଟୁର୍ଣ୍ଣାମେଣ୍ଟରେ ରହିଛନ୍ତି ମୋଟ ୧୬ଟି ଟିମ । ସମ୍ମାନଜନକ ଟ୍ରଫି ପାଇଁ ଲଢେଇ କରିବେ ବିଶ୍ବର ଶ୍ରେଷ୍ଠ ପ୍ରତିଭାବାନ ହକି ଖେଳାଳି ।
ପ୍ରତିଟି ଗୋଲ୍ରେ ବିଜୟ ଓ ପରାଜୟର ବ୍ୟବଧାନ ସାଙ୍ଗକୁ ବଢିବ ଦର୍ଶକଙ୍କ ହୃଦ୍ସ୍ପନ୍ଦନ । ତେବେ COVID କାରଣରୁ କଟକଣା ମଧ୍ୟରେ ବିନା ଦର୍ଶକରେ ବନ୍ଦ ଷ୍ଟାଡିୟମରେ ଏହି ମେଗା ଇଭେଣ୍ଟ ଖେଳାଯାଉଥିବାରୁ, କଳିଷ୍ଟ ଷ୍ଟାଡିୟମରେ ଦର୍ଶକଙ୍କ ଅନୁପସ୍ଥିତି ଅନୁଭବ ହେବ ।
ଡିଫେଣ୍ଡିଂ ଚମ୍ପିଆନ ଭାରତ ଘରୋଇ ମାଟିରେ ପୁଣି ଥରେ ବିଶ୍ବବିଜେତା ହେବାପାଇଁ ଦମ ଲଗାଇବ । ଟୋକିଓ ଅଲମ୍ପିକ୍ରେ ଐତିହାସିକ ପ୍ରଦର୍ଶନ ସହ ବ୍ରୋଞ୍ଜ ବିଜେତା ସିନିୟର ଭାରତୀୟ ହକି ଟିମର ସଦସ୍ୟ ରହଥିବା ବିବେକ ସାଗର ପ୍ରସାଦଙ୍କ ନେତୃତ୍ବରେ ଖେଳିବ ଭାରତ । ସିନିୟର ଟିମ୍କୁ ଅଲମ୍ପିକ୍ ବ୍ରୋଞ୍ଜ ବିଜେତା କରାଇଥିବା କୋଚ୍ ଗ୍ରାହମ ରେଡ୍ ମଧ୍ୟ ଜୁନିଅର ଟିମ ପାଇଁ ବିଜୟୀ ରଣନୀତି କରିଛନ୍ତି ।
Also Read: Hockey Men's Junior WC: ଟାର୍ଗେଟ ଟ୍ରଫି, ଲଢିବେ ୧୬ ଟିମ