ଗୋଆ:ଇଣ୍ଡିଆନ ସୁପର ଲିଗର ସପ୍ତମ ସଂସ୍କରଣରେ ଓଡିଶା ଏଫସିର ଆଉ ଏକ ପରାଜୟ । ଚଳିତ ସଂସ୍କରଣରେ ଖରାପ ପ୍ରଦର୍ଶନ ସହ ଓଡିଶାର ପରାଜୟ ଧାରା ଜାରି ରହିଛି । ରବିବାର ଭାସ୍କୋର ତିଳକ ମଇଦାନ ଷ୍ଟାଡିୟମରେ ଖେଳାଯାଇଥିବା ମ୍ୟାଚରେ ଇଷ୍ଟ ବେଙ୍ଗଲ 3-1 ଗୋଲ୍ରେ ଓଡିଶାକୁ ହରାଇଛି । ଏଥିସହ ଚଳିତ ସଂସ୍କରଣରେ ପ୍ରଥମ ବିଜୟର ସ୍ବାଦ ଚାଖିଛି ।
ମ୍ୟାଚର ପ୍ରଥମାର୍ଦ୍ଧରେ ଦୁଇଟି ଦମଦାର ଗୋଲ୍ କରିବା ସହ ଆଗୁଆ ହୋଇଥିଲା ବେଙ୍ଗଲ । ପ୍ରଥମ ଗୋଲ୍ ଅନ୍ଥୋନି ପିଲ୍କିଂଟନ ଓ ଦ୍ବିତୀୟ ଗୋଲ୍ ଜାକସ ମାଗୋମା କରିଥିଲେ । ଇଷ୍ଟ ବେଙ୍ଗଲ ପକ୍ଷରୁ ତୃତୀୟ ଗୋଲ୍ ମ୍ୟାଚର ଦ୍ବିତୀୟ ଅର୍ଦ୍ଧରେ ବଦଳ ଖେଳାଳି ଭାବେ ଆସିଥିବା ଓ ଡେବ୍ୟୁ ମ୍ୟାଚ ଖେଳୁଥିବା ବ୍ରାଇଟ ଇନୋବକର କରିଥିଲେ ।