ପାଣାଜି: ନର୍ଥଇଷ୍ଟ ୟୁନାଇଟେଡ୍ ଏଫସି ଓ କେରଳ ବ୍ଲାଷ୍ଟର୍ସ ଆଜି ଗୋଆର ଜିଏମସି ଷ୍ଟାଡିୟମରେ ମୁହାଁମୁହିଁ ହେବେ । ଚଳିତ ସପ୍ତମ ସଂସ୍କରଣରେ ଉଭୟ ଦଳ ଆଜି 2ୟ ମ୍ୟାଚ ଖେଳିବେ । ନର୍ଥଇଷ୍ଟ ୟୁନାଇଟେଡ୍ ପ୍ରଥମ ମ୍ୟାଚରେ ମୁମ୍ବାଇ ସିଟିକୁ ପରାସ୍ତ କରିଥିବା ବେଳେ କେରଳ ବ୍ଲାଷ୍ଟର୍ସକୁ ପ୍ରଥମ ମ୍ୟାଚରେ ଏଟିକେ ଦଳ ଠାରୁ ପରାଜୟର ସାମ୍ନା କରିବାକୁ ପଡିଥିଲା ।
ଫଳରେ ପଏଣ୍ଟ ଟେବୁଲରେ ନର୍ଥଇଷ୍ଟ ୟୁନାଇଟେଡ୍ 3ପଏଣ୍ଟ ସହ ପ୍ରଥମ ସ୍ଥାନରେ ରହିଥିବାବେଳେ କେରଳ ବ୍ଲାଷ୍ଟର୍ସ ଏଫସି 10ମ ସ୍ଥାନରେ ରହିଛି । ତେବେ ଆଜି ନର୍ଥଇଷ୍ଟ ଦଳ ଚାହିଁବ କେରଳକୁ ପରାସ୍ତ କରି ବିଜୟଧାରା ରଖିବାକୁ । ସେହିପରି କେରଳ ଦଳ ବି ଚାହିଁବ ବିପକ୍ଷ ଦଳ ନର୍ଥଇଷ୍ଟକୁ ପରାସ୍ତ କରି ପ୍ରଥମ ବିଜୟ ହାସଲ କରିବାକୁ ।