କୋଲକାତା: କୋରୋନା ସଂକ୍ରମଣ ଯୋଗୁଁ ସ୍ଥଗିତ ହେଲା ଆଇ-ଲିଗ୍ । ବାୟୋ ବବଲରେ କୋଭିଡ ସଂକ୍ରମଣ ଯୋଗୁଁ ଏହି ନିଷ୍ପତ୍ତି ନେଇଛି ଭାରତୀୟ ଫୁଟବଲ ସଂଘ । ଯେଉଁମାନେ ସଂକ୍ରମିତ ହୋଇଛନ୍ତି ସେମାନଙ୍କ ଦ୍ବିତୀୟ କୋଭିଡ ରିପୋର୍ଟ ଆସିବା ପରେ ଜାନୁଆରୀ ୪ କିମ୍ବା ୫ ତାରିଖରୁ ଏହି ଫୁଟବ୍ଲ ଲିଗ୍ ପୁନଃ ଆରମ୍ଭ କରାଯିବ ।
ଆଇ-ଲିଗ୍ ଆୟୋଜନ ପାଇଁ ତିନିଟି ହୋଟେଲରେ ବାୟୋ ବବଲ ତିଆରି ହୋଇଥିଲେ । ସେଥିମଧ୍ୟରୁ ଗୋଟିଏ ହୋଟେଲ ହେଉଛି ନୋବୋଟେଲ ହୋଟେଲ । ଏହି ହୋଟେଲରେ ରହୁଥିବା ବିଭିନ୍ନ ଟିମ୍ର ଖେଳାଳି ଓ ଅନ୍ୟ ସଦସ୍ୟ କୋରୋନା ସଂକ୍ରମିତ ହୋଇଥିଲେ । ଏହାକୁ ନେଇ ଭାରତୀୟ ଫୁଟବଲ ସଂଘ ପକ୍ଷରୁ ଏକ ଜରୁରୀକାଳୀନ ବୈଠକ କରାଯାଇଥିଲା । ଏହି ବୈଠକ ପରେ ହିରୋ ଆଇ-ଲିଗ୍କୁ ସ୍ଥଗିତ କରିବାକୁ ନିଷ୍ପତ୍ତି ନିଆଯାଇଛି ।