ଚେନ୍ନାଇ: ଆଇସିସି ଦିନିକିଆ କ୍ରିକେଟ ମହାକୁମ୍ଭର ଆଜି ୨୫ତମ ଲିଗ୍ । ଶ୍ରୀଲଙ୍କା ଓ ଇଂଲଣ୍ଡ ମଧ୍ୟରେ ଚେନ୍ନାଇ ଚେପକ ଷ୍ଟାଡିୟମରେ ଖେଳାଯାଉଥିବା ଏହି ମ୍ୟାଚକୁ ସହଜରେ ଜିତି ନେଇଛି ଶ୍ରୀଲଙ୍କା । ଟିମ୍ ମାତ୍ର ୧୫୭ ରନ୍ ଟାର୍ଗେଟକୁ ପିଛା କରି ୨୫.୪ ଓଭର ସୁଦ୍ଧା ୨ ୱିକେଟ ପତନରେ ବିଜୟ ହାସଲ କରିଛି ଶ୍ରୀଲଙ୍କା । ଓପନର୍ ପାଥୁମ ନିଶାଙ୍କ ଓ ସଦିରା ସମରବିକ୍ରମାଙ୍କ ଅର୍ଦ୍ଧଶତକ ବଳରେ ଶ୍ରୀଲଙ୍କାକୁ ମିଳିଛି ସହଜ ବିଜୟ । ସେପଟେ ଇଂଲିଶ ବୋଲର୍ ଡେଭିଡ ୱିଲିଙ୍କୁ ୨ଟି ୱିକେଟ ମିଳିଛି । ଲାହିରା କୁମାର ପ୍ରଥମ ଇନିଂସରେ ୩ଟି ୱିକେଟ ନେଇଥିବାରୁ ସେ 'ପ୍ଲେୟାର ଅଫ ଦ ମ୍ୟାଚ୍' ହୋଇଛନ୍ତି ।
ଶ୍ରୀଲଙ୍କା ବୋଲର୍ଙ୍କ ଆକ୍ରମଣାତ୍ମକ ବୋଲିଂରେ ବିପର୍ଯ୍ୟସ୍ତ ହୋଇଥିଲା ଇଂଲଣ୍ଡର ବ୍ୟାଟିଂ । ଫଳରେ ଇଂଲଣ୍ଡ ୩୩.୨ ଓଭର ସୁଦ୍ଧା ମାତ୍ର ୧୫୬ରନ୍ରେ ଅଲ ଆଉଟ୍ ହୋଇଥିଲା । ଏହାପରେ ଶ୍ରୀଲଙ୍କାର ବିଜୟ ଏକପ୍ରକାର ସ୍ପଷ୍ଟ ହୋଇଥିଲା । ଏହାପରେ ଶ୍ରୀଲଙ୍କା ଟିମ ୧୫୭ ରନ୍ ଟାର୍ଗେଟର ପିଛା କରିଥିଲା । ଏହି ମ୍ୟାଚ୍ରେ ଶ୍ରୀଲଙ୍କା ଓପନର୍ ପାଥୁମ ନିଶାଙ୍କଙ୍କ ବ୍ୟାଟ୍ରୁ ଆସିଥିଲା ଅର୍ଦ୍ଧଶତକ । ନିଶାଙ୍କ ୮୩ଟି ବଲ୍ ଖେଳି ୭ଟି ଚୌକା ଓ ୨ଟି ଛକା ସହ ୭୭ ରନ୍ ସଂଗ୍ରହ କରିଥିଲେ । ଅନ୍ୟତମ ଓପନର୍ କୁସଲ ପରେରା ଭଲ ପ୍ରଦର୍ଶନ କରିବାରେ ବିଫଳ ହୋଇଥିଲେ । ସେ ମାତ୍ର ୪ ରନ୍ କରି ଆଉଟ୍ ହୋଇଥିଲେ ।
ଏହା ବି ପଢନ୍ତୁ- Cricket World Cup 2023: ୧୫୬ରେ ଇଂଲଣ୍ଡ ଅଲଆଉଟ୍, କମ୍ ବ୍ୟାକ୍ ମ୍ୟାଚରେ ମାଥ୍ୟୁସଙ୍କ କମାଲ