ଝୁଲଣଙ୍କ ଶେଷ ମ୍ୟାଚରେ କାନ୍ଦିଲେ କ୍ୟାପଟେନ, ଗାର୍ଡ ଅଫ ଅନର ଦେଲା ଇଂଲଣ୍ଡ

ନିଜ ଅନ୍ତର୍ଜାତୀୟ କ୍ୟାରିୟରର ଶେଷ ମ୍ୟାଚ ଲର୍ଡ୍ସରେ ଖେଳୁଛନ୍ତି ଭେଟେରାନ କ୍ରିକେଟର ଝୁଲଣ ଗୋସ୍ବାମୀ ( Jhulan Goswami ) । ଏନେଇ ଅଧିନାୟିକା ହରମନପ୍ରୀତ କୌର ଭାବପ୍ରବଣ ହୋଇ ଝୁଲଣଙ୍କୁ ଧରି କାନ୍ଦିବା ନଜର ଆସିଛନ୍ତି । ଅଧିକ ପଢନ୍ତୁ

ହାଇଦ୍ରାବାଦ: ନିଜ ଅନ୍ତର୍ଜାତୀୟ କ୍ୟାରିୟରର ଶେଷ ମ୍ୟାଚ ଲର୍ଡ୍ସରେ ଖେଳୁଛନ୍ତି ଭେଟେରାନ କ୍ରିକେଟର ଝୁଲଣ ଗୋସ୍ବାମୀ ( Jhulan Goswami ) । ଇଂଲଣ୍ଡ ବିପକ୍ଷରେ ଏହା ତାଙ୍କ ବିଦାୟୀକାଳୀନ ମ୍ୟାଚ । ଭାରତୀୟ ମହିଳା କ୍ରିକେଟ ଟିମ ସହିତ ସେ ଆଜି ଶେଷ ଥର ପାଇଁ କ୍ରିଜରେ ସମୟ ଅତିବାହିତ କରୁଛନ୍ତି । ଏନେଇ ଅଧିନାୟିକା ହରମନପ୍ରୀତ ( Harmanpreet Kaur ) କୌର ଭାବପ୍ରବଣ ହୋଇ ଝୁଲଣଙ୍କୁ ଧରି କାନ୍ଦିବା ନଜର ଆସିଛନ୍ତି । ସେପଟେ ଏହି ଭେଟେରାନ କ୍ରିକେଟରଙ୍କୁ ଇଂଲଣ୍ଡ ମହିଳା କ୍ରିକେଟ ତରଫରୁ ଗାର୍ଡ ଅଫ ଅନର ସମ୍ମାନରେ ସମ୍ମାନିତ କରାଯାଇଛି । ତେବେ ଆଜିର ଏହି ତୃତୀୟ ଦିନିକିଆ ମ୍ୟାଚରେ ଇଂଲଣ୍ଡ ଟସ ଜିତି ପ୍ରଥମେ ପିଲ୍ଡିଂ ନିଷ୍ପତ୍ତି ନେଇଥିବା ବେଳେ ଭାରତ ପ୍ରଥମେ ବ୍ୟାଟିଂ ପାଇଁ ମୈଦାନକୁ ଓହ୍ଲାଇଥିଲା ।

ଇଂଲଣ୍ଡ ବିପକ୍ଷରେ ତୃତୀୟ ଦିନିକିଆ ମ୍ୟାଚ ଲର୍ଡସରେ ଖେଳୁଛି ଭାରତ । ଏହି କିମ୍ବଦନ୍ତୀ କ୍ରିକେଟର ଝୁଲଣ ଗୋସ୍ବାମୀଙ୍କର ଏହା ହେଉଛି ଶେଷ ଅନ୍ତର୍ଜାତୀୟ ମ୍ୟାଚ । ଏହି ମ୍ୟାଚ ପରେ କ୍ରିକେଟ ଦୁନିଆକୁ ଅଲବିଦା କହିବେ ଭାରତୀୟ ଷ୍ଟାର ବୋଲର ଝୁଲଣ ଗୋସ୍ବାମୀ । ଝୁଲଣଙ୍କୁ ବିଦାୟୀ ଦେବା ପୂର୍ବରୁ ଭାରତୀୟ ମହିଳା କ୍ରିକେଟର କ୍ରିଜରେ ଏକତ୍ରିତ ହୋଇ ଭାବ ପ୍ରବଣ ହେବା ନଜର ଆସିଥିଲେ । ତେବେ ଝୁଲଣ ଗୋସ୍ବାମୀଙ୍କୁ ଧରି କାନ୍ଦିବାର ଫଟୋ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି । ସେପଟେ ଇଂଲଣ୍ଡଲ କ୍ରିକେଟ ବୋର୍ଡର ଜଣେ ବରିଷ୍ଠ ଅଧିକାରୀ କ୍ଲେୟର କୋନୋର ଏବଂ ମୁଖ୍ୟ କୋଚ ଲୀସା କାଇଟଲେ ଝୁଲଣ ଗୋସ୍ବାମୀଙ୍କୁ ଏକ ଜର୍ସି ଉପହାର ଦେଇଥିଲେ । ଉପହାର ଦେଇଥିବା ଏହି ଜର୍ସିରେ ଇଂଲଣ୍ଡ କ୍ରିକେଟରଙ୍କର ଅଟୋଗ୍ରାଫ ରହିଥିଲା । ସେହିପରି ଝୁଲଣ ଗୋସ୍ବାମୀଙ୍କ ଏହି ବିଦାୟୀକାଳୀନ ମ୍ୟାଚରେ ଇଂଲଣ୍ଡ କ୍ରିକେଟର ଝୁଲଣ ଗୋସ୍ବାମୀ ବ୍ୟାଟିଂ ପାଇଁ ପିଚରେ ପ୍ରବେଶ କରୁଥିବା ସମୟରେ ତାଙ୍କୁ ଗାର୍ଡ ଅଫ ଅନର ଦେଇଥିଲେ । ଷ୍ଟାଡିୟୟରେ ଥିବା ସମସ୍ତ ଦର୍ଶକ ଏହି ସମୟରେ ଝୁଲଣ ଗୋସ୍ବାମୀଙ୍କ ପାଇଁ ତାଳି ମାରି ତାଙ୍କୁ ସମ୍ମାନିତ କରିଥିଲେ ।