ଦୁବାଇ:ମହାମାରୀ କୋରୋନା ସଂକ୍ରମଣ ଯୋଗୁଁ ଖେଳାଳିଙ୍କୁ ବାୟୋବବଲରେ ରଖି କ୍ରିକେଟ ଟୁର୍ଣ୍ଣାମେଣ୍ଟ ଆୟୋଜନ କରାଯାଉଛି । ବାୟୋବବଲ୍ରେ ରହି କ୍ରିକେଟ ଖେଳିବା ସହଜ ନୁହେଁ ବୋଲି ପୂର୍ବରୁ ଭାରତୀୟ ଅଧନାୟକ ବିରାଟ କୋହଲି କହିଥିଲେ । ପୁନଃ ସେ ବାୟୋବବଲକୁ ନେଇ ଏକ ଫଟୋ ସେୟାର କରିଛନ୍ତି । ଏହି ଫଟୋ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ଫଟୋରେ ବିରାଟ କୋହଲି ଏକ ଚେୟାରରେ ବସିଛନ୍ତି । ଏହି ଚେୟାରରେ ବିରାଟ କୋହଲି ବନ୍ଧା ହୋଇଥିବା ଦେଖିବାକୁ ମିଳିଛି । ଏହି ବ୍ୟଙ୍ଗାତ୍ମକ ଫଟୋ ସେୟାର କରି କୋହଲି ଲେଖିଛନ୍ତି ଯେ, "ବାୟୋବବଲ୍ରେ ରହି ଏଭଳି ମନେ ହେଉଛି ।" ଏହି ଫଟୋକୁ ଖୁବ୍ ପସନ୍ଦ କରୁଛନ୍ତି ସୋସିଆଲ ମିଡିଆ ୟୁଜର ।
ଇନ୍ଷ୍ଟାଗ୍ରାମରେ ମଧ୍ୟ କୋହଲି ଏହି ଫଟୋ ସେୟାର କରିଛନ୍ତି । ବାୟୋ ବବଲ ବାନ୍ଧିଦେଲା ଭଳି ମନେ ହେଉଥିବା ଇଙ୍ଗିତ କରିଛନ୍ତି କୋହଲି । ଏହି ଫଟୋ ଉପରେ କମେଣ୍ଟ କରିଛନ୍ତି ଇଂଲଣ୍ଡର ପୂର୍ବତନ ଅଧିନାୟକ କେଭିନ ପିଟରସନ । ସେ ଲେଖିଛନ୍ତି ଯେ , "ଖେଳାଳି ବ୍ରଡ୍କାଷ୍ଟର ଏହାକୁ ନେଇ ବିରକ୍ତି ହୋଇସାରିଛନ୍ତି । ଦମଦାର୍ ଫଟୋ ବନ୍ଧୁ ।"