ନୂଆଦିଲ୍ଲୀ: ବର୍ମିଂହାମରେ ହେବାକୁ ଥିବା ରାଜ୍ୟଗୋଷ୍ଠୀ କ୍ରୀଡା ପାଇଁ ଭାରତୀୟ ମହିଳା ଦଳ ଘୋଷଣା ହୋଇଛି । ହର୍ମନପ୍ରୀତ କୌର ଦଳରେ ନେତୃତ୍ବ ନେବେ। ଏହାସହ ଅଲରାଉଣ୍ଡର ସ୍ନେହା ରାଣା ଦଳରୁ ଫେରିଛନ୍ତି । ହର୍ମନପ୍ରୀତଙ୍କ ନେତୃତ୍ବରେ ଦଳ ଦମଦାର ପ୍ରଦର୍ଶନ କରି ଚମ୍ପିଆନ ହେବାକୁ ଲକ୍ଷ୍ୟ ରଖିଛି ।
ପ୍ରଥମ ଥର ପାଇଁ ମହିଳା ବର୍ଗରେ ଟି-20 କ୍ରିକେଟକୁ ରାଜ୍ୟଗୋଷ୍ଠୀ କ୍ରୀଡାରେ ସ୍ଥାନ ମିଳିଛି । ଭାରତ ଗ୍ରୁପ'ଏରେ ରହିଛି । ଏହି ଗ୍ରୁପରେ ଅନ୍ୟ ଦଳ ଭାବେ ଅଷ୍ଟ୍ରେଲିଆ, ବାର୍ବାଡସ ଓ ପାକିସ୍ତାନ ରହିଛନ୍ତି । ଗ୍ରୁପ ବି'ରେ ଶ୍ରୀଲଙ୍କା, ଇଂଲଣ୍ଡ, ନ୍ୟୁଜିଲାଣ୍ଡ ଓ ଦକ୍ଷିଣ ଆଫ୍ରିକା ଦଳ ସ୍ଥାନ ପାଇଛନ୍ତି । ଦୁଇ ଗ୍ରୁପରୁ ଶ୍ରେଷ୍ଠ ପ୍ରଦର୍ଶନକାରୀ ଦଳ ସେମି ଫାଇନାଲ ଖେଳିବାକୁ ଯୋଗ୍ୟତା ଅର୍ଜନ କରିବେ । ଜୁଲାଇ 29ରୁ ଭାରତ ତାର ଅଭିଯାନ ଆରମ୍ଭ କରିବ । ପ୍ରଥମେ ଅଷ୍ଟ୍ରେଲିଆକୁ ଭେଟବି ଟିମ ଇଣ୍ଡିଆ ।