ନୂଆଦିଲ୍ଲୀ:ଇଂରାଜୀ ନବବର୍ଷ ୨୦୨୨କୁ ସ୍ବାଗତ କରିଛନ୍ତି ବିଶ୍ବବାସୀ । ସବୁଆଡେ ଶୁଭେଚ୍ଛା ଓ ଶୁଭକାମନାର ସୁଅ । ଏହି କ୍ରମରେ ଭାରତୀୟ କ୍ରିକେଟ ଜଗତ ମଧ୍ୟ ନୂତନ ବର୍ଷର ଶୁଭେଚ୍ଛା ଜଣାଇଛନ୍ତି । ଭାରତୀୟ ଅଫ୍ ସ୍ପିନର ରବିଚନ୍ଦ୍ରନ ଅଶ୍ବିନ ଏକ ଟ୍ବିଟ୍ କରିଛନ୍ତି ଯେଉଁଥିରେ ଦକ୍ଷିଣ ଆଫ୍ରିକା ଗସ୍ତରେ ଥିବା ଭାରତୀୟ ଟେଷ୍ଟ ସ୍କ୍ବାଡ୍ର ସମସ୍ତ ସଦସ୍ୟ ଜୋହାନ୍ସବର୍ଗରେ ନୂଆବର୍ଷ ପାଳନ କରିଛନ୍ତି । ମୁଖ୍ୟ କୋଚ୍ ରାହୁଲ ଦ୍ରାବିଡଙ୍କ ସହିତ କ୍ୟାପଟେନ ବିରାଟ କୋହଲି ଓ ସମସ୍ତ ଖେଳାଳି ନୂଆବର୍ଷ(New Year 2022) ଉପଲକ୍ଷେ ଖୁସି ମନାଇଛନ୍ତି ।
ଭାରତୀୟ ଟିମ ଦକ୍ଷିଣ ଆଫ୍ରିକା ଗସ୍ତରେ ରହିଛି । ପ୍ରଥମ ଟେଷ୍ଟ ବିଜୟ ସହ ବର୍ଷ ୨୦୨୧ ଶେଷକରିଥିଲା ଭାରତ । ଏପରି ସ୍ଥିତିରେ ବିଜୟ ସହ ନୂଆବର୍ଷର ଆରମ୍ଭ କରିବାକୁ ଚାହିଁବ ଭାରତୀୟ ଟିମ । ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ଦ୍ବିତୀୟ ଟେଷ୍ଟ ୩ ଜାନୁଆରୀରୁ ଜୋହାନ୍ସବର୍ଗରେ ଖେଳାଯିବ । ଭାରତକୁ ଦକ୍ଷିଣ ଆଫ୍ରିକାରେ ୩ଟି ଟେଷ୍ଟ ଓ ୩ଟି ଦିନିକିଆ ମ୍ୟାଚ୍ ଖେଳିବାର ଅଛି ।
ଅନ୍ୟପଟେ କୋହଲିଙ୍କ ପତ୍ନୀ ଅନୁଷ୍କା ଶର୍ମା ନୂଆବର୍ଷ ଅବସରରେ ଇନଷ୍ଟାଗ୍ରାମରେ ଫଟୋ ସେୟାର କରି ଶୁଭେଚ୍ଛା ଜଣାଇଛନ୍ତି । ଅନୁଷ୍କାର ସେୟାର କରିଥିବା ଫଟୋରେ ଫ୍ୟାନ୍ସ ଲଗାତାର କମେଣ୍ଟ କରିବା ଜାରି ରଖିଛନ୍ତି ।
ଏହାମଧ୍ୟ ପଢନ୍ତୁ: SA vs Ind: ଭାରତୀୟ ODI ଟିମ ଘୋଷଣା, ରାହୁଲ କ୍ୟାପଟେନ୍