ହ୍ରାଇଦ୍ରାବାଦ:ଦମଦାର ଫର୍ମରେ ଅଛନ୍ତି ଭାରତୀୟ ଷ୍ଟାର ବ୍ୟାଟର ସୂର୍ଯ୍ୟକୁମାର ଯାଦବ । ଆଜି (ରବିବାର ) ଖେଳାଯାଇଥିବା ନ୍ୟୁଜିଲାଣ୍ଡ ବିପକ୍ଷରେ ଶତକୀୟ ଇନିଂସ ଖେଳିବା ପରେ ସେ ଗୋଟିଏ କ୍ୟାଲେଣ୍ଡର ବର୍ଷରେ ଦୁଇ ଥର ଶତକ ହାସଲ କରିବାରେ ଦ୍ବିତୀୟ ଭାରତୀୟ କ୍ରିକେଟର ହୋଇପାରିଛନ୍ତି । ଅଧିନାୟକ ରୋହିତ ଶର୍ମା ବର୍ଷ ୨୦୧୮ ଗୋଟିଏ କ୍ୟାଲେଣ୍ଡର ବର୍ଷରେ, ଟି୨୦ ଫର୍ମାଟରେ ଦୁଇଟି ଶତକ ହାସଲ କରିବାରେ ପ୍ରଥମ ଭାରତୀୟ କ୍ରିକେଟର ହୋଇଥିଲେ ।
ସୂର୍ଯ୍ୟକୁମାରଙ୍କ ନାମରେ ବିରଳ ରେକର୍ଡ, ଏହି ଚମତ୍କାର କରିବାରେ ଦ୍ବିତୀୟ ଭାରତୀୟ କ୍ରିକେଟର
ଆଜି (ରବିବାର) ଖେଳାଯାଇଥିବା ନ୍ୟୁଜିଲାଣ୍ଡ ବିପକ୍ଷରେ ଶତକୀୟ ଇନିଂସ ଖେଳିବା ପରେ ସେ ଗୋଟିଏ କ୍ୟାଲେଣ୍ଡର ବର୍ଷରେ ଦୁଇ ଥର ଶତକ ହାସଲ କରିବାରେ ଦ୍ବିତୀୟ ଭାରତୀୟ କ୍ରିକେଟର ହୋଇପାରିଛନ୍ତି । ଅଧିକ ପଢନ୍ତୁ
ଏହି ଉପଲବ୍ଧି ପରେ Sky ହେଲେ ଦ୍ବିତୀୟ ଭାରତୀୟ କ୍ରିକେଟର
ନ୍ୟୁଜିଲାଣ୍ଡ ବିପକ୍ଷ ୩ ଟିକିଆ ଟି୨୦ ସିରିଜରେ ରବିବାର ଖେଳାଯାଇଥିବା ମ୍ୟାଚରେ Sky ୫୧ ବଲରୁ ୧୧୧ ରନର ଇନିଂସ ଖେଳି ଅପରାଜିତ ରହିଥିଲେ । ତେବେ ତାଙ୍କର ଏହି ଉପଲବ୍ଧି ପରେ ସେ ଟି୨୦ ଫର୍ମାଟରେ ଏକରୁ ଅଧିକ ଶତକ ହାସଲ କରିଥିବା ଭାରତୀୟ କ୍ଲବରେ ସାମିଲ ହୋଇଛନ୍ତି । ତେବେ ଏହି କ୍ଲବରେ ପୂର୍ବରୁ ଏଣ୍ଟ୍ରି ମାରିଥିଲେ ହିଟ୍ ମ୍ୟାନ୍ ରୋହିତ ଶର୍ମା ଓ ଲୋକେଶ ରାହୁଲ । ସୂର୍ଯ୍ୟକୁମାର ଯାଦବ ଟି୨୦ ଫର୍ମାଟରେ ପ୍ରଥମ ଶତକ ଜୁଲାଇ ମାସରେ ଖେଳାଯାଇଥିବା ଇଂଲଣ୍ଡ ବିପକ୍ଷ ମ୍ୟାଚରେ ହାସଲ କରିଥିଲେ ।
୩ ଟିକିଆ ଟି୨୦ ସିରିଜ୍ ବିଶିଷ୍ଟ ଆଜି (ରବିବାର) ଖେଳାଯାଇଥିବା ଦ୍ବିତୀୟ ମ୍ୟାଚରେ ଭାରତ ୬୫ ରନରେ ବିଜୟୀ ହୋଇଛି । ଭାରତ ପ୍ରଥମେ ବ୍ୟାଟିଂ ସୂର୍ଯ୍ୟକୁମାର ଯାଦବଙ୍କ ବିସ୍ଫୋରକ ଶତକ ବଳରେ ମେନ୍ ଇନ୍ ବ୍ଲୁ ନିର୍ଦ୍ଧାରିତ ୨୦ ଓଭରରେ ୬ ୱିକେଟ ହରାଇ ୧୯୧ ରନ କରିଥିଲା । ଏହାର ଜବାବରେ ନ୍ୟୁଜିଲାଣ୍ଡ ନିର୍ଦ୍ଧାରିତ ୧୮.୫ ଓଭରରେ ୧୨୬ ରନ କରି ଅଲଆଉଟ୍ ହୋଇଥିଲା ।