ମୁମ୍ବାଇ: ପଞ୍ଜାବ କିଙ୍ଗ୍ସ ବିପକ୍ଷରେ ସନରାଇଜର୍ସ ହାଇଦ୍ରାବାଦର ଜବରଦସ୍ତ ବିଜୟ । ୧୫୨ ରନ୍ ବିଜୟ ଲକ୍ଷ୍ୟକୁ ପିଛା କରିଥିବା ହାଇଦ୍ରାବାଦ ୧୮.୫ ଓଭରରେ ହାସଲ କରିନେଇଛି । ଦଳୀୟ ସ୍କୋର୍ ୧୪ ରନ୍ ହୋଇଥିବା ବେଳେ ହାଇଦ୍ରାବାଦ ପ୍ରଥମ ୱିକେଟ ହରାଇଥିଲା । ତେବେ ଏହାପରେ ଦ୍ବିତୀୟ ୱିକେଟ ପାଇଁ ରାହୁଲ ତ୍ରିପାଠୀ ଓ ଅଭିଶେକ ଶର୍ମାଙ୍କ ମଧ୍ୟରେ ଭଲ ଭାଗିଦାରୀ ହୋଇଥିଲା ।
ଏହାପରେ ୬୨ ରନ୍ ସ୍କୋର୍ ବେଳକୁ ରାହୁଲ ତ୍ରିପାଠୀ ରାହୁଲ ଚହରଙ୍କ ଶିକାର ହୋଇଥିଲେ । ତେବେ ଏହାପରେ ଆଡନ ମାର୍କ୍ରମ ଧୁଆଁଧାର ପାଳି ଖେଳିଥିଲେ । ସେ ମାତ୍ର ୨୭ ବଲ୍ରୁ ୪୧ ରନ୍ କରି ଦଳକୁ ବିଜୟ ଦ୍ବାରକୁ ନେଇ ଯାଇଥିଲେ । ଏହାରି ମଧ୍ୟରେ ଅଭିଶେକ ଶର୍ମା ୩୧ ରନ୍ କରି ଆଉଟ ହୋଇଥିଲେ । ଶେଷରେ ନିକୋଲାସ ପୋରନ ଓ ମାର୍କ୍ରମ ଦ୍ରୁତ ରନ୍ କରି ହାଇଦ୍ରାବାଦକୁ ବିଜୟୀ କରାଇଥିଲେ । ପଞ୍ଜାବ ପକ୍ଷରୁ ରାହୁଲ ଚହର ଦୁଇଟି ୱିକେଟ ନେଇଥିବା ବେଳେ, କାଗିସୋ ରବାଡା ଗୋଟିଏ ୱିକେଟ ନେଇଥିଲେ ।