ଚେନ୍ନାଇ:ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ସ୍ପିନ ଅଲରାଉଣ୍ଡର ଶାହବାଜ ଅହମ୍ମଦଙ୍କୁ ଦ୍ରୁତ ବୋଲର ମହମ୍ମଦ ସିରାଜଙ୍କ ପ୍ରଶଂସା । ଚୁଡାନ୍ତ ଏକାଦଶରେ ସ୍ଥାନ ମିଳିବା ନିଷ୍ପତ୍ତିକୁ ଶାହବାଜ ଯଥାର୍ଥ ପ୍ରମାଣ କରିଥିବା କହିଛନ୍ତି ସିରାଜ । ଚଳିତ ଆଇପିଏଲରେ ସନରାଇଜର୍ସ ହାଇଦ୍ରାବାଦ ବିପକ୍ଷରେ ବୁଧବାର ସନ୍ଧ୍ୟାରେ ଖେଳାଯାଇଥିବା ମ୍ୟାଚରେ ମ୍ୟାଚ ବିଜୟୀ ପ୍ରଦର୍ଶନ କରିଥିଲେ ଶାହବାଜ ।
ଗୋଟିଏ ଓଭରରେ 3ଟି ୱିକେଟ ଦଖଲ କରିବା ସହ ମ୍ୟାଚର ମୋଡ ବଦଳାଇ ଦେଇଥିଲେ ଶାହବାଜ । ଫଳରେ 150 ରନର ବିଜୟ ଲକ୍ଷ୍ୟକୁ ପିଛା କରୁଥିବା ହାଇଦ୍ରାବାଦ ହାତରୁ ମ୍ୟାଚ ଛଡାଇ ନେଇଥିଲେ । ଏଥିସହ କ୍ରମାଗତ ଦ୍ବିତୀୟ ମ୍ୟାଚରେ ଅନ୍ୟତମ ସ୍ମରଣୀୟ ବିଜୟ ହାସଲ କରିଥିଲା ଆରସିବି ।