ହାଇଦ୍ରାବାଦ: ପୂର୍ବତନ ଭାରତୀୟ କ୍ରିକେଟର ବିରେନ୍ଦ୍ର ସେହ୍ବାଗ ସୋସିଆଲ ମିଡିଆରେ ସେୟାର କରିଥିବା ଏକ ମଜାଦାର ମିମ ଭାଇରାଲ ହେବାରେ ଲାଗିଛି । ଲୋକପ୍ରିୟ ୱେବ ସିରିଜ 'ମୀର୍ଜାପୁର' ର ଏକ ଦୃଶ୍ୟକୁ ପୋଷ୍ଟ କରିଛନ୍ତି ସେହ୍ବାଗ । ଜୁନ 23ରେ ସାଉଥାମ୍ପଟନରେ ଖେଳାଯାଇଥିବା ବିଶ୍ବ ଟେଷ୍ଟ ଚମ୍ପିଆନସିପ ଫାଇନାଲ ମ୍ୟାଚ୍ରେ ଭାରତ ନ୍ୟୁଜିଲାଣ୍ଡ ଠାରୁ ହାରିବା ପରେ ଦେଶର କ୍ରିକେଟ ପ୍ରେମୀ ନିରାଶ ହୋଇଛନ୍ତି । ଏପରିକି ଅନେକ ଫ୍ୟାନ୍ସ ପ୍ରତିକ୍ରିୟାଶୀଳ ହୋଇ ଟିମ ଚୟନ ଓ କୋହଲିଙ୍କ ଅଧିନାୟକତ୍ବ ଉପରେ ପ୍ରଶ୍ନ ଉଠାଇଛନ୍ତି ।
ତେବେ ସେହ୍ବାଗ ମଜାଳିଆ ଅନ୍ଦାଜରେ ସେୟାର କରିଥିବା ମିମରେ ରହିଛନ୍ତି 'ମୀର୍ଜାପୁର' ର ପ୍ରମୁଖ ଅଭିନେତା ପଙ୍କଜ ତ୍ରିପାଠୀ, ଯିଏକି ଅଖଣ୍ଡନାନ୍ଦ ତ୍ରିପାଠୀ, କଲିନ ଭଇୟା ଚରିତ୍ରରେ ଅଭିନୟ କରିଛନ୍ତି । ସେହିପରି 'ଶରଦ ଶୁକ୍ଲା' ଚରିତ୍ରରେ ଅଭିନୟ କରିଥିବା ଅର୍ଜୁମ ଶର୍ମା ମଧ୍ୟ ରହିଛନ୍ତି । ଏହି ମିମର କ୍ୟାପସନରେ ଏକମାତ୍ର ଭାରତୀୟ ବ୍ୟାଟ୍ସମ୍ୟାନ ଭାବେ ଦୁଇଥର ତ୍ରିଶତକ ହାସଲ କରିଥିବା ସେହ୍ବାଗ ଲେଖିଛନ୍ତି, "ଆପସେ ବେଟର୍ ଉମିଦ କିୟେ ଥେ ହମ୍ (ତୁମଠାରୁ ମୁଁ ଅଧିକ ଭଲ ଆଶା କରୁଥିଲି )" । ଏଯାବତ ସେହ୍ବାଗଙ୍କ ଏହି ପୋଷ୍ଟକୁ 52,000ରୁ ଅଧିକ ଲୋକେ ପସନ୍ଦ କରିସାରିଲାଣି ।