ମୁମ୍ବାଇ: IPL 2022ର ୩୦ତମ ମ୍ୟାଚ୍ରେ କୋଲକାତାକୁ ୨୧୮ ରନ୍ ଟାର୍ଗେଟ ଦେଇଛି ରାଜସ୍ଥାନ । ଟସ୍ ଜିତି ପ୍ରଥମେ ରାଜସ୍ଥାନକୁ ବ୍ୟାଟିଂ ଆମନ୍ତ୍ରଣ ଦେଇଥିଲା କୋଲକାତା । ରାଜସ୍ଥାନର ଦୁଇ ଓପନର ବଟଲର ଓ ଦେବଦତ୍ତ ପାଦ୍ଦିକଲ ଦଳକୁ ଏକ ଭଲ ଆରମ୍ଭ ଦେଇଥିଲେ । ଦୁହିଁଙ୍କ ମଧ୍ୟରେ ୯୭ ରନ୍ର ଭାଗିଦାରୀ ହୋଇଥିଲା ।
ଏହାପରେ ଅଧିନାୟକ ସଞ୍ଜୁ ସାମସନ୍ ମଧ୍ୟ ପଡ଼ିଆକୁ ଓହ୍ଲାଇ ବଡ଼ ସଟ୍ ଖେଳିବା ଆରମ୍ଭ କରି ଦେଇଥିଲେ । ବଟଲରଙ୍କ ଆକ୍ରାମକ ବ୍ୟାଟିଂ ଆଗରେ ଧରାଶାୟୀ ହୋଇ ପଡ଼ିଥିଲେ କୋଲକାତାର ବୋଲର । ବଲଟର ୬୧ ବଲ୍ରୁ ୯ଟି ଚୌକା ଓ ୫ ଛକା ସହାୟତାରେ ୧୦୩ ରନ୍ କରିଥିଲେ । ଯାହାଫଳରେ ରାଜସ୍ଥାନ ଦଳ ଏକ ବିଶାଳ ବିଜୟ ଲକ୍ଷ୍ୟ ଦେବାରେ ସକ୍ଷମ ହୋଇପାରିଛି ।