ମୁମ୍ବାଇ: IPL 2022ରେ ଖେଳାଯାଉଥିବା ୩୨ତମ ମ୍ୟାଚ୍ରେ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇଛି ପଞ୍ଜାବ କିଙ୍ଗ୍ସ । ଦିଲ୍ଲୀ କ୍ୟାପିଟାଲ୍ସକୁ ମାତ୍ର ୧୧୬ ରନ୍ ଟାର୍ଗେଟ ଦେବାକୁ ସକ୍ଷମ ହୋଇ ପାରିଛି ପଞ୍ଜାବ କିଙ୍ଗ୍ସ । ଦିଲ୍ଲୀ ବୋଲରଙ୍କ ଶୃଙ୍ଖଳିତ ବୋଲିଂର କୌଣସି ଜବାବ ଦେଇ ପାରିନିଥିଲେ ପଞ୍ଜାବର ବ୍ୟାଟର ।
ପ୍ରଥମ ୱିକେଟ ପାଇଁ ଦୁଇ ଓପନରଙ୍କ ମଧ୍ୟରେ ୩୩ ରନ୍ର ଭାଗିଦାରୀ ହୋଇଥିଲା । ଏହାପରେ ଶିଖର ଧାୱନ ଆଉଟ ହୋଇ ପାଭେଲିୟନ ଫେରିଥିଲେ । ଏହାପରେ ଅଧିନାୟକ ମୟଙ୍କ ଅଗ୍ରୱାଲ ମଧ୍ୟ ମୁସ୍ତାଫିଜୁରଙ୍କ ଶିକାର ପାଲଟିଥିଲେ । ଦଳର ୭ ଜଣ ବ୍ୟାଟର ଦୁଇ ଅଙ୍କ ବିଶିଷ୍ଟ ସ୍କୋର ମଧ୍ୟ ଛୁଇଁ ପାରିନାହାନ୍ତି । ପଞ୍ଜାବ ପକ୍ଷରୁ ଜିତେଶ ଶର୍ମା ସର୍ବାଧିକ ୩୨ ରନ୍ କରିଥିବା ବେଳେ ଅଧିନାୟକ ମୟଙ୍କ ଅଗ୍ରୱାଲ ୨୪ ରନ୍ କରିଛନ୍ତି । ନିର୍ଦ୍ଧାରିତ ୨୦ ଓଭରରେ ପଞ୍ଜାବ ଦଳ ସମସ୍ତ ୱିକେଟ ହରାଇ ୧୧୫ ରନ୍ ହିଁ କରିବାକୁ ସକ୍ଷମ ହୋଇ ପାରିଥିଲା ।