ହାଇଦ୍ରାବାଦ:ଚଳିତ ଟି୨୦ ବଶ୍ବକପ୍ରେ ସେମୀରେ ପହଞ୍ଚିବା ପାଇଁ ସଂଘର୍ଷ କରୁଛି ପାକିସ୍ତାନ ଦଳ । ଗୁରୁବାର ଦକ୍ଷିଣ ଆଫ୍ରିକାକୁ ମାତ୍ ଦେଇ ସେମିଫାଇନାଲ ଖେଳିବା ଆଶା ଉଜ୍ଜିବୀତ ରଖିଛି ପାକିସ୍ତାନ । ଏଥିପାଇଁ ବର୍ତ୍ତମାନ ବିଶ୍ବକପ୍ରେ ସୁପର ୧୨ ମ୍ୟାଚ୍ ଜାରି ରହିଛି । ଦକ୍ଷିଣ ଆଫ୍ରିକା ତାର ପରବର୍ତ୍ତୀ ମ୍ୟାଚ୍ରେ ପରାଜିତ ହେଲେ କିମ୍ବା ଭାରତ ତାର ପରବର୍ତ୍ତୀ ମ୍ୟାଚ୍ରେ ପରାଜିତ ହେଲେ ପାକସ୍ତାନ ପାଇଁ ସେମି ଖେଳିବା ସମୀକରଣ ତିଆରି ହୋଇପାରେ । ତେବେ ଭାରତ ବିପକ୍ଷରେ ଜିମ୍ବାୱେ ବିଜୟୀ ହେଲେ ପ୍ଲେୟାର ଅଫ ଦି ମ୍ୟାଚ୍ ବିବେଚିତ ହୋଇଥିବା କ୍ରିକେଟରଙ୍କୁ ବିବାହ କରିବେ ବୋଲି ଘୋଷଣା କରିଛନ୍ତି ପାକ୍ ଅଭିନେତ୍ରୀ ସେହାର ଶିନୱାରୀ ।
ତେବେ ଏଥିପାଇଁ ପାକିସ୍ତାନକୁ ବାଂଲାଦେଶ ବିପକ୍ଷରେ ଖେଳିବାକୁ ଥିବା ତାର ଶେଷ ଗ୍ରୁପ ପର୍ଯ୍ୟାୟ ମ୍ୟାଚ୍ ଜିତିବାକୁ ହେବ । ନଭେମ୍ବର ୬ ତାରିଖରେ ଜିମ୍ବାୱେ ବିପକ୍ଷରେ ଭାରତ ତାର ଶେଷ ଗ୍ରୁପ୍ ମ୍ୟାଚ୍ ଖେଳିବ । ମେଲବର୍ଣ୍ଣ କ୍ରିକେଟ ଗ୍ରାଉଣ୍ଡରେ ଖେଳାଯିବାକୁ ଥିବା ଏହି ମ୍ୟାଚ୍ ଉପରେ ପାକିସ୍ତାନ କ୍ରିକେଟ ପ୍ରେମୀଙ୍କ ନଜର ରହିଛି ।