ନୂଆଦିଲ୍ଲୀ:13 ବର୍ଷ ପୂର୍ବେ ଆଜିର ଦିନରେ ଅନ୍ତର୍ଜାତୀୟ କ୍ରିକେଟରେ ଯୋଡି ହୋଇଥିଲା ବିରାଟ କୋହଲିଙ୍କ ନାମ । ଆଜିର ଦିନରେ ଭାରତ ପାଇଁ ପ୍ରଥମ ଦିନିକିଆ ମ୍ୟାଚ ଖେଳିଥିଲେ ଭାରତର ଅଧିନାୟକ ବିରାଟ କୋହଲି । ପ୍ରଥମ ମ୍ୟାଚରେ ମାତ୍ର ୧୨ ରନ କରିଥିଲେ ସତ ହେଲେ ଧୀରେ ଧୀରେ ତାଙ୍କ ବ୍ୟାଟ କମାଲ କରିଥିଲା ଆଉ ରନର ବର୍ଷା ହୋଇଥିଲା ।
ପ୍ରଥମ ମ୍ୟାଚରେ ଶ୍ରୀଲଙ୍କା ବିପକ୍ଷରେ ଖେଳିଥିଲେ କୋହଲି । ମ୍ୟାଚରେ ଭଲ ପ୍ରଦର୍ଶନ କରିନଥିଲେ । ୨୨ଟି ବଲ ଖେଳି ପଡିଆରେ ୩୩ ମିନିଟ ଧରି ସଂଘର୍ଷ କରି ମାତ୍ର ୧୨ ରନ କରିଥିଲେ । ଅଷ୍ଟମ ଓଭରରେ କୁଳଶେଖରଙ୍କ ବଲରେ ଆଉଟ ହୋଇଥିଲେ କୋହଲି । ସମୁଦାୟ ୫ଟି ମ୍ୟାଚ ଖେଳି ସେ ମାତ୍ର ୫୦ ରନ କରିଥିଲେ । ୧୪ଟି ମ୍ୟାଚ ଖେଳିବା ପରେ ପ୍ରଥମ ଶତକ ହାସଲ କରିଥିଲେ କ୍ୟାପଟେନ କୋହଲି । ଏହା ପରେ ୨୦୦୯ରେ କୋଲକାତାରେ ଶ୍ରୀଲଙ୍କା ବିପକ୍ଷରେ ଶତକ ହାସଲ କରିଥିଲେ ବିରାଟ ।