ଦୁବାଇ: ICC ପକ୍ଷରୁ ଟେଷ୍ଟ ଓ ଟି-୨୦ ରାଙ୍କି ତାଲିକା ପ୍ରକାଶ ପାଇଛି । ନୂଆ ରାଙ୍କି ଅନୁଯାୟୀ ଟେଷ୍ଟ ବ୍ୟାଟସମ୍ୟାନ ରାଙ୍କି ରେ ଗୋଟିଏ ସ୍ଥାନ ତଳକୁ ଖସି ପଞ୍ଚମ ସ୍ଥାନରେ ରହିଛନ୍ତି ଭାରତୀୟ ଅଧିନାୟକ ବିରାଟ କୋହଲି । ସେପଟେ ଟେଷ୍ଟ ବୋଲିଂ ରାଙ୍କି ରେ ୧୦ଟି ସ୍ଥାନ ଉପରକୁ ଉଠି ପୁଣି ଶ୍ରେଷ୍ଠ ୧୦ ବୋଲରଙ୍କ ସହ ସାମିଲ ହୋଇଛନ୍ତି ଭାରତୀୟ ଫାଷ୍ଟ ବୋଲର ଜଶପ୍ରୀତ ବୁମରା ।
ଭାରତ ଓ ଇଂଲଣ୍ଡ ମଧ୍ୟରେ ପ୍ରଥମ ଟେଷ୍ଟ ମ୍ୟାଚ ପରେ ପ୍ରଥମ ଥର ପାଇଁ ଏହି ତାଲିକା ଜାରି କରିଛି ICC । ଇଂଲଣ୍ଡ ଟେଷ୍ଟ ଅଧିନାୟକ ଜୋ ରୁଟ୍ ଟେଷ୍ଟ ବ୍ୟାଟସମ୍ୟାନ ତାଲିକାର ଶୀର୍ଷରେ ରହିଛନ୍ତି । ଇଂଲଣ୍ଡ ଫାଷ୍ଟ ବୋଲର ଜେମସ୍ ଆଣ୍ଡରସନ ବୋଲର ତାଲିକାରେ ସପ୍ତମ ସ୍ଥାନରେ ରହିଛନ୍ତି । ଏହି ତାଲିକାର ଶୀର୍ଷରେ ରହିଛନ୍ତି ଅଷ୍ଟ୍ରେଲିଆନ ଫାଷ୍ଟ ବୋଲର ପ୍ୟାଟ କମିନ୍ସ ।