ନୂଆଦିଲ୍ଲୀ: ବିସିସିଆଇ ଆନୁକୁଲ୍ୟରେ ପୁରୁଷ ଆଇପିଏଲ ପରି ମହିଳା ଆଇପିଏଲ ଆରମ୍ଭ ହେବାକୁ ଯାଉଛି । ଏନେଇ ସମସ୍ତ ପ୍ରସ୍ତୁତି ଆରମ୍ଭ ହୋଇଛି । ମହିଳା ଆଇପିଏଲ ପ୍ରଥମ ସଂସ୍କରଣ ପାଇଁ ଗୁଜୁରାଟ ଜାଏଣ୍ଟ୍ସ ପ୍ରାଞ୍ଚାଇଜ ତାର ଅଧିନାୟିକା ନିଯୁକ୍ତ କରିଛି । ଅଷ୍ଟ୍ରେଲିଆ ୱିକେଟ କିପର ବେଥ ମୁନୀଙ୍କୁ ଦଳର ନେତୃତ୍ବ ଭାର ଦେଇଥିବା ବେଳେ ଭାରତୀୟ ଖେଳାଳି ସ୍ନେହ ରଣାଙ୍କୁ ଉପଅଧିନାୟିକା ନିଯୁକ୍ତ କରିଛି । ମାର୍ଚ୍ଚ 4ରୁ ମହିଳା ପ୍ରିମିୟର ଲିଗ ଆରମ୍ଭ ହେବ । ମୁମ୍ବାଇ ବିପକ୍ଷରେ ଅଭିଯାନ ଆରମ୍ଭ କରିବା ଗୁଜୁରାଟ ।
29 ବର୍ଷୀୟା ବେଥ ମୁନୀଙ୍କର ଟି-20 ଫର୍ମାଟରେ ରେକର୍ଡ ରହିଛି । ସେ ଅଷ୍ଟ୍ରେଲିଆ ପାଇଁ 83 ମ୍ୟାଚ ଖେଳି 2350 ରନ କରିଛନ୍ତି । ଯେଉଁଥିରେ 2ଟି ଶତକ ଓ 18ଟି ଅର୍ଦ୍ଧଶତକ ହାସଲ କରିଛନ୍ତି । ତାଙ୍କ ଷ୍ଟ୍ରାଇକ ରନ ରେଟ 124. 60 ରହିଛି । ଆଇସିସି ମହିଳା ଟି-20 ବିଶ୍ବକପ ଫାଇନାଲରେ ଦକ୍ଷିଣ ଆଫ୍ରିକା ବିପକ୍ଷରେ ବେଥ ମୁନୀ 53 ବଲରୁ ଅପରାଜିତ 74 ରନ କରିଥିଲେ । ତାଙ୍କୁ ଶ୍ରେଷ୍ଠ ଖେଳାଳି ପୁରସ୍କାର ପ୍ରଦାନ କରାଯାଇଥିଲା । ବେଥ ମୁନୀଙ୍କୁ ଗୁଜୁରାଟ 2 କୋଟି ଟଙ୍କାରେ କ୍ରୟ କରିଥିଲା ।
ଏହା ବି ପଢନ୍ତୁ...Hockey Pro League: ଭାରତୀୟ ଦଳ ଘୋଷଣା, ନୀଲମ ଏକମାତ୍ର ଓଡ଼ିଆ ଖେଳାଳି