କୋଲକାତା: ଇଡେନଗାଡେନ୍ରେ ରାଜସ୍ଥାନ ରୟାଲ୍ସ ଓ ଗୁଜୁରାଟ ଲାୟନ୍ସ ମଧ୍ୟରେ ଖେଳା ଯାଉଥିବା ପ୍ରଥମ କ୍ବାଲିଫାୟର ମ୍ୟାଚ୍ । ଏହି ମ୍ୟାଚ୍ରେ ଗୁଜୁରାଟକୁ ୧୮୯ ରନ୍ ବିଜୟ ଲକ୍ଷ୍ୟ ଦେଇଛି ରାଜସ୍ତାନ । ବଟଲର୍ଙ୍କ ଧୂଆଁଦାର ବ୍ୟାଟିଂ ବଳରେ ଗୁଜୁରାଟକୁ ବଡ଼ ଟାର୍ଗଟେ ଦେବାକୁ ସକ୍ଷମ ହୋଇଛି ରାଜସ୍ତାନ ।
ଟସ୍ ଜିତି ପ୍ରଥମେ ରାଜସ୍ଥାନକୁ ବ୍ୟାଟିଂ ଆମନ୍ତ୍ରଣ ଦେଇଥିଲା ଗୁଜୁରାଟ । ଇନିଂସ ଆରମ୍ଭରୁ ଶୃଙ୍ଖଳିତ ବୋଲିଂ କରିଥିଲେ ଗୁଜୁରାଟ ବୋଲର । ଏହାପରେ ମାତ୍ର ୧୧ ରନ୍ ଦଳୀୟ ସ୍କୋର୍ ବେଳେ ରାଜସ୍ଥାନ ପ୍ରଥମ ୱିକେଟ ହରାଇଥିଲା । ସେପଟେ ଓପନର ଜଶ ବଟଲର୍ ଆକ୍ରାମକ ବ୍ୟାଟିଂ କରିଥିଲେ । ଏହାପରେ ଅଧିନାୟକ ସଞ୍ଜୁ ସାମସନ୍ ମଧ୍ୟ ବଡ଼ ସଟ୍ କରିଥିଲେ । ସଞ୍ଜୁ ସାମସନ୍ ୨୬ଟି ବଲ୍ରୁ ଦ୍ରୁତ ୪୭ ରନ୍ କରି ଆଉଟ ହୋଇଥିଲେ । ଏପଟେ 56 ବଲରେ 89 ରନର ଦମଦାର ଇନିଂସ ଖେଳିଛନ୍ତି ବଟଲର ।