ମୁମ୍ବାଇ: ବ୍ରାବୋର୍ଣ୍ଣ ଷ୍ଟାଡିୟମରେ ସନରାଇଜର୍ସ ହାଇଦ୍ରାବାଦ ଓ କୋଲକାତା ନାଇଟ ରାଇଡର୍ସ ମଧ୍ୟରେ ଲଢ଼େଇ ଜାରି ରହିଛି । ପ୍ରଥମେ ବ୍ୟାଟିଂ କରି ହାଇଦ୍ରାବାଦକୁ ୧୭୬ ରନ୍ ବିଜୟ ଲକ୍ଷ୍ୟ ଦେଇଛି କୋଲକାତା ନାଇଟ ରାଇଡର୍ସ । ଇନିଂସ ଆରମ୍ଭରୁ କେକେଆର ଦଳ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇଥିଲେ ।
ଦଳୀୟ ସ୍କୋର ୧୧ ହୋଇଥିବା ବେଳେ ପ୍ରଥମେ ଆରୋନ ଫିଞ୍ଚ ଆଉଟ ହୋଇଥିଲେ । ଏହାପରେ ଓପନର ଭେଙ୍କେଟେସ ଆୟର ମଧ୍ୟ ବୋଲ୍ଡ ହୋଇ ପାଭେଲିୟନ ଫେରିଥିଲେ । ଅଧିନାୟକ ଶ୍ରେୟସ ଆୟର କିଛି ସମୟ ସଂଘର୍ଶ କରିଥିଲେ ସୁଦ୍ଧା ସେ ମାତ୍ର ୨୮ ରନ୍ ହିଁ କରି ପାରିଥିଲେ । ୩୧ରନ୍ରେ ଦଳ ୩ ୱିକେଟ ହରାଇ ସାରିଥିଲା । ଏହାପରେ ନୀତିଶ ରାଣା ଆସି କିଛିଟା ବଡ଼ ସଟ୍ ଖେଳିବା ଆରମ୍ଭ କରିଥିଲେ ।