ପୁଣେ: ଚଳିତ ଟାଟା ଆଇପିଏଲରେ ଆଜି ୧୪ ତମ ଲିଗ ମ୍ୟାଚ ଖେଳାଯିବ । ଏଥିରେ ମୁମ୍ବାଇ ଇଣ୍ଡିଆନ୍ସ ଓ କୋଲକାତା ନାଇଟ ରାଇଡର୍ସ ପରସ୍ପରକୁ ଭେଟିବେ । ମ୍ୟାଚକୁ ନେଇ ଉଭୟ ଦଳ ଜୋରଦାର ପ୍ରସ୍ତୁତି କରିଛନ୍ତି । ଏ ଯାଏଁ ମୁମ୍ବାଇ ଗୋଟିଏ ବି ମ୍ୟାଚ ଜିତିନାହିଁ । କୋଲକାତା ତାର ତୃତୀୟ ବିଜୟ ଲକ୍ଷ୍ୟ ରଖିଥିବା ମୁମ୍ବାଇ ପ୍ରଥମ ବିଜୟ ସହ ପଏଣ୍ଟ ଟେବୁଲରେ ଖାତା ଖୋଲିବା ନେଇ ଲକ୍ଷ୍ୟ ରଖିଛି ।
ପ୍ରଥମ ୨ଟି ମ୍ୟାଚରେ ପରାସ୍ତ ହୋଇଛି ମୁମ୍ବାଇ । ଆଜିର ମ୍ୟାଚକୁ ଜିତିବାକୁ ସବୁ ଶକ୍ତି ଖଟାଇବ ଦଳ । ବିଶେଷ କରି ବୋଲିଂ ବିଭାଗକୁ ସୃଦୁଢ କରିବାକୁ ପଡିବ । ପ୍ରଥମ ମ୍ୟାଚରେ ଦିଲ୍ଲୀ ଓ ଦ୍ବିତୀୟ ମ୍ୟାଚରେ ରାଜସ୍ଥାନଠୁ ପରାସ୍ତ ହୋଇଥିଲା ମୁମ୍ବାଇ । ପ୍ରଥମ ମ୍ୟାଚରେ ଡେଥ ବୋଲିଂରେ ତ୍ରୁଟି ଯୋଗୁଁ ମୁମ୍ବାଇ ହାତରୁ ମ୍ୟାଚ ଖସି ଯାଇଥିଲା । ଆଜି ସମସ୍ତ ତ୍ରୁଟିକୁ ସୁଧାରି ବୋଲିଂ ବିଭାଗରେ ଉନ୍ନତି ଆଣି ଦଳକୁ ଖେଳିବାକୁ ହେବ । ଅଧିନାୟକ ରୋହିତଙ୍କ ଉପରେ ନଜର ରହିଛି ।