ମୁମ୍ବାଇ: କୋଲକାତା ନାଇଟ ରାଇଡର୍ସ ବିପକ୍ଷରେ ଦମଦାର ବ୍ୟାଟିଂ ପ୍ରଦର୍ଶନ କରିଛି ଚେନ୍ନାଇ ସୁପର କିଙ୍ଗ୍ସ। ଆଇପିଏଲର 15ତମ ମ୍ୟାଚରେ କୋଲକାତାକୁ 221 ରନ ବିଜୟ ଲକ୍ଷ୍ୟ ଦେଇଛି ଚେନ୍ନାଇ। କୋଲକାତା ପ୍ରଥମେ ଟସ ଜିତି ଚେନ୍ନାଇକୁ ବ୍ୟାଟିଂ ପାଇଁ ଆମନ୍ତ୍ରଣ କରିଥିଲା । ଚେନ୍ନାଇ ଓପନର ବ୍ୟାଟସମ୍ୟାନ ଋତୁରାଜ ଗାୟକୱାର୍ଡ ଓ ଫାଫ ଡୁ'ପ୍ଲେସିସଙ୍କ ମଧ୍ୟରେ ଶତକୀୟ ଭାଗିଦାରୀ ହୋଇଥିଲା। ଏହାପରେ ଦଳୀୟ ସ୍କୋର 115 ରନରେ ଋତୁରାଜଙ୍କ ୱିକେଟ ହରାଇଥିଲା ଚେନ୍ନାଇ ।
ଏହାପରେ ପଡ଼ିଆକୁ ଓହ୍ଲାଇଥିଲେ ଇଂଲିସ ଅଲରାଉଣ୍ଡର ମୋଇନ ଅଲୀ । ସେ 12ଟି ବଲରୁ ଦ୍ରୁତ 25 ରନ କରିଥିଲେ । ତେବେ ବଡ଼ ଖେଳିବା ଆଶାରେ ସେ ସୁନିଲ ନାରିନଙ୍କ ଶିକାର ହୋଇଥିଲେ । ଫାଫ ଡୁ'ପ୍ଲେସିସ ଓ ମୋଇନ ଅଲୀଙ୍କ ମଧ୍ୟରେ 50 ରନ ଭାଗିଦାରୀ ହୋଇଥିଲା । ଫାପ ଡୁ ପ୍ଲେସିସ ଆକ୍ରାମକ ବ୍ୟାଟିଂ କରି 95 ରନ କରିଛନ୍ତି । ଏହାପରେ ମହେନ୍ଦ୍ର ସିଂହ ଧୋନୀ ମଧ୍ୟ 8ଟି ବଲରୁ ଦ୍ରୁତ 17 କରିଥିଲେ । ନିର୍ଦ୍ଧାରିତ 20 ଓଭରରେ ଚେନ୍ନାଇ 220 କରିବାକୁ ସକ୍ଷମ ହୋଇଛି ।
ସେପଟେ କୋଲକାତା ନାଇଟ ରାଇଡର୍ସ ପକ୍ଷରୁ ବରୁଣ ଚକ୍ରବର୍ତ୍ତୀ, ଆନ୍ଦ୍ରେ ରସେଲ ଓ ସୁନିଲ ନାରିନ ଗୋଟିଏ ଲେଖାଏଁ ୱିକେଟ ନେଇଥିଲେ । ବରୁଣ ଚକ୍ରବର୍ତ୍ତୀ ସବୁଠାରୁ କମ ରନ ଖର୍ଚ୍ଚ କରିଥିଲେ । ଅନ୍ୟ କୌଣସି ବୋଲର ୱିକେଟ ନେବାରେ ସଫଳ ହୋଇ ପାରିନଥିଲେ । ପ୍ୟାଟ କମିନ୍ସ 4 ଓଭରରେ ସର୍ବାଧିକ 58 ରନ ଖର୍ଚ୍ଚ କରିଥିଲେ । ସେପଟେ କୋଲାକାତା ଖରାପ ଫିଲ୍ଡିଂ ପ୍ରଦର୍ଶନ କରିଥିଲା । ବର୍ତ୍ତମାନ ୱାଙ୍ଖଡ଼େ ପିଚରେ କୋଲକାତା କିଭଳି ବ୍ୟାଟିଂ କରୁଛି ତାହାରି ଉପରେ ନଜର ରହିଛି ।
କୋଲକାତା ନାଇଟ ରାଇଡର୍ସ ଚୂଡ଼ାନ୍ତ ଏକାଦଶ