ମୁମ୍ବାଇ: ଆଇପିଏଲ ୨୦୨୨ ଟୁର୍ଣ୍ଣାମେଣ୍ଟ ଦେଖିବାକୁ ମିଳିବ ୧୦ଟି ଫ୍ରାଞ୍ଚାଇଜି ଦଳ । ଆଇପିଏଲ ଗଭର୍ଣ୍ଣିଂ କାଉନସିଲ ପକ୍ଷରୁ ଆଗାମୀ ସିଜିନରେ ଆଉ ଦୁଇ ଦଳକୁ ସାମିଲ କରିବାକୁ ଟେଣ୍ଡର ନୋଟିସ ଜାରି କରାଯାଇଛି । ଏହି ନୋଟିସରେ ନୂଆ ଦଳ ପାଇଁ ଥିବା ଗାଇଡଲାଇନ, ଯୋଗ୍ୟତା, ପ୍ରକ୍ରିୟା, ବିଡ ଆବେଦନ ଆଦି ଟେଣ୍ଡର ନୋଟିସରେ ବିସ୍ତାର ଭାବରେ ସୂଚନା ଦିଆଯାଇଛି ।
ନୂଆ ଦଳ ବିଡରେ ଭାଗ ନେବାକୁ ୧୦ ଲକ୍ଷ ଟଙ୍କାର ବଣ୍ଡ କରିବାକୁ ହେବ । ଏହି ରାଶି ଥରେ ପୈଠ ଆଉ ଫେରସ୍ତ କରାଯିବ ନାହିଁ ଏହାକୁ ନେଇ ଆଇପିଏଲ ଗଭର୍ଣ୍ଣିଂ କାଉନସିଲ ପକ୍ଷରୁ ବିଧିବଦ୍ଧ ଭାବରେ ସୂଚନା ଦିଆଯାଇଛି । ଆଇପିଏଲରେ ନୂଆ ଦଳ ଗଢ଼ିବାକୁ ଆବେଦନ କରିବାକୁ ଇଚ୍ଛୁକ ଥିବା ସଂସ୍ଥା ବା ବ୍ୟକ୍ତି ବିଶେଷମାନେ ittipl2021@bcci.tv ୱେବସାଇଟରେ ସମସ୍ତ ସୂଚନା ପାଇପାରିବେ ।