ମୁମ୍ବାଇ:ଚଳିତ ଆଇପିଏଲର ଆଜି 33ତମ ଲିଗ ମ୍ୟାଚ ଖେଳାଯିବ । ଏଥରେ ଆଇପିଏଲରେ ସବୁଠୁ ଶକ୍ତିଶାଳୀ ଦଳ ଚେନ୍ନାଇ ସୁପରକିଙ୍ଗସ ଓ ମୁମ୍ବାଇ ଇଣ୍ଡିଆନ୍ସ ପରସ୍ପରକୁ ଭେଟିବେ । ଚଳିତ ସିଜିନରେ ଉଭୟଙ୍କ ପ୍ରଦର୍ଶନ ନୈରାଶ୍ୟ ଜନକ ରହିଛି । ତଥାପି କ୍ରିକେଟ ପ୍ରେମୀଙ୍କ ଆଶା ଭାଙ୍ଗିନି ଦୁଇ ଦଳ କିଛି ଚମତ୍କାର କରିବେ ବୋଲି ଆଶା ରଖିଛନ୍ତି ଫ୍ୟାନ୍ସ । ଆଜିର ମ୍ୟାଚକୁ ଜିତି ମୁମ୍ବାଇ ପରାଜୟ ଧାରାରେ ବ୍ରେକ ଲଗାଇବାକୁ ଲକ୍ଷ୍ୟ ରଖିଥିବାବେଳେ ଚେନ୍ନାଇ ତାର ଦ୍ବିତୀୟ ବିଜୟ ଲକ୍ଷ୍ୟ ରଖିଛି ।
ଫଳାଫଳ ଯାହା ହେଉ ନା କାହିଁକି ମ୍ୟାଚକୁ ନେଇ ଫ୍ୟାନ୍ସଙ୍କ ମଧ୍ୟରେ ଉତ୍କଣ୍ଠା ରହିଛି । ଉଭୟ ଦଳ ଇତି ମଧ୍ୟରେ 6ଟି ଲେଖାଏଁ ମ୍ୟାଚ ଖେଳି ସାରିଲେଣି । ଚେନ୍ନାଇ ଗୋଟିଏ ଜିତି ଖାତା ଖୋଲିଛି । ହେଲେ ମୁମ୍ବାଇ ଗୋଟିଏ ବି ମ୍ୟାଚ ଜିତି ନାହିଁ । ଡିଫେଣ୍ଡିଂ ଚମ୍ପିୟାନ ଚେନ୍ନାଇ ପଏଣ୍ଟ ଟେବୁଲ ନବମ ସ୍ଥାନରେ ରହିଛି । 5ଥର ଚମ୍ପିୟାନ ମୁମ୍ବାଇ ପଏଣ୍ଟ ଟେବୁଲ ଶେଷରେ ରହିଛି ।