IPL 2022: ପଞ୍ଜାବକୁ ହରାଇ ପ୍ଲେ-ଅଫ୍‌ ନିକଟରେ ରାଜସ୍ଥାନ

ଚଳିତ ଇଣ୍ଡିଆନ ପ୍ରିମିୟର ଲିଗ୍‌(IPL 2022) ୫୨ତମ ମ୍ୟାଚରେ ପଞ୍ଜାବ କିଙ୍ଗ୍ସକୁ ହରାଇଲା ରାଜସ୍ଥାନ ରୟାଲ୍ସ । ଅଧିକ ପଢନ୍ତୁ

ମୁମ୍ବାଇ: ଚଳିତ ଇଣ୍ଡିଆନ ପ୍ରିମିୟର ଲିଗ୍‌(IPL 2022) ଟୁର୍ଣ୍ଣାମେଣ୍ଟର ୫୨ତମ ମ୍ୟାଚ୍‌ରେ ପଞ୍ଜାବ କିଙ୍ଗ୍ସକୁ ୬ ୱିକେଟରେ ହରାଇଲା ରାଜସ୍ଥାନ ରୟାଲ୍ସ । ମୁମ୍ବାଇର ୱାଙ୍ଖଡେ ଷ୍ଟାଡିୟମରେ ଖେଳା ଯାଉଥିବା ଆଜିର ମ୍ୟାଚରେ ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା ପଞ୍ଜାବ କିଙ୍ଗ୍ସ । ୧୯୦ ରନ୍‌ର ବିଜୟ ଲକ୍ଷ୍ୟକୁ ପିଛା କରିଥିବା ରାଜସ୍ଥାନ ୧୯.୪ ଓଭରରେ ୪ ୱିକେଟ ହରାଇ ହାସଲ କରିନେଇଛି ।

ରାଜସ୍ଥାନ ପକ୍ଷରୁ ଯୁବ ଓପନର ଜଶସ୍ବୀ ଜୟଶ୍ବାଲ ୪୧ ବଲ୍‌ରୁ ୬୮ ରନ୍‌ର ମ୍ୟାଚ୍‌ ବିଜୟୀ ଇଂନିସ ଖେଳିଛନ୍ତି । ଷ୍ଟାର ବ୍ୟାଟ୍‌ର ଜସ ବଟଲର ୧୬ ବଲ୍‌ରୁ ଦ୍ରୁତ ୩୦ ଓ କ୍ୟାପଟେନ ସଞ୍ଜୁ ସାମସନ ୧୨ ବଲ୍‌ରୁ ୧୩ ରନ୍‌ର ଇଂନିସ ଖେଳିଛନ୍ତି । ଦେବଦତ୍ତ ପାଦିକ୍କଲ ୩୧ ରନ୍‌ର ଇଂନିସ ଖେଳିଛନ୍ତି । ଅନ୍ୟପଟେ ପଞ୍ଜାବ ପକ୍ଷରୁ ଅର୍ଶଦୀପ ସିଂ ୨ଟି, କାଗିସୋ ରବାଡା ଓ ରିଶ ଧାୱନଙ୍କୁ ଗୋଟିଏ ଲେଖାଏଁ ୱିକେଟ ମିଳିଛି । ପୂର୍ବରୁ ଜନ୍ନି ବେୟାରଷ୍ଟୋଙ୍କ ୫୬ ରନ୍‌ ବଳରେ ୧୮୯ ରନ୍‌ କରିଥିଲା ପଞ୍ଜାବ ।