ମୁମ୍ବାଇ:ଆଇପିଏଲର ୧୫ତମ ଲିଗ ମ୍ୟାଚରେ ଆଜି ଦିଲ୍ଲୀ କ୍ୟାପିଟାଲ୍ସ ଓ ଲକ୍ଷ୍ନୌ ସୁପରଜାଏଣ୍ଟସ ପରସ୍ପରକୁ ଭେଟିବେ । ଏହି ମ୍ୟାଚକୁ ଉଭୟ ଦଳ ଫୁଲ ପ୍ରସ୍ତୁତ ଅଛନ୍ତି । ଲକ୍ଷ୍ନୌ ୩ଟି ମ୍ୟାଚରୁ ୨ଟିରେ ବିଜୟ ସହ ମୋଟ ୪ ପଏଣ୍ଟ ହାସଲ କରିଛି । ଦିଲ୍ଲୀ କ୍ୟାପିଟାଲ୍ସ ୨ଟି ମ୍ୟାଚ ଖେଳି ଗୋଟିଏରେ ବିଜୟ ହୋଇ ୨ ପଏଣ୍ଟ ହାତେଇଛି । ଆଜିର ମ୍ୟାଚ ଜିତିବାକୁ ଉଭୟ ଦଳ ଚେଷ୍ଟା କରିବେ ।
ଲକ୍ଷ୍ନୌ ପ୍ରଥମ ମ୍ୟାଚରେ ଗୁଜୁରାଟଠୁ ପରାସ୍ତ ହୋଇଥିଲା । ଏହାପରେ ଦଳ ଚମତ୍କାର ପ୍ରଦର୍ଶନ କରି ବିଜୟ ଖାତା ଖୋଲିଥିଲା । ଏହାରି ଭିତରେ ଅନ୍ୟ ୨ଟି ମ୍ୟାଚରେ ଡିଫେଣ୍ଡିଂ ଚମ୍ପିଆନ ଚେନ୍ନାଇ ଓ ହାଇଦ୍ରାବାଦକୁ ହରାଇଛି ସୁପରଜାଏଣ୍ଟ । ଦଳର ମନୋବଳ ଦୃଢ ରହିଛି । ଅଭେଷ ଖାନ ଓ ଜାସନ ହୋଲ୍ଡଙ୍କ ଘାତକ ବୋଲିଂ ଜାରି ରହିଛି । ଲକ୍ଷ୍ନୌର ବ୍ୟାଟିଂ ବିଭାଗ ମଧ୍ୟ ଭଲ ରହିଛି । ଆଜି ଏକଦଶରେ ମାର୍କସ ଷ୍ଟଇନିସ ଖେଳିବାର ସମ୍ଭାବନା ରହିଛି ।