ମୁମ୍ବାଇ: ଚଳିତ ଆଇପିଏଲର 16ତମ ମୁକାବିଲା ୱାଙ୍ଖଡେ ଷ୍ଟାଡିୟମରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଓ ରାଜସ୍ଥାନ ରୟାଲ୍ସ ମଧ୍ୟରେ ଖେଳାଯାଉଛି । ଟସ୍ ଜିତି ଆରସିବି କ୍ୟାପଟେନ ବିରାଟ କୋହଲି ପ୍ରଥମେ ଫିଲ୍ଡିଂ ନିଷ୍ପତ୍ତି ନେଇଥିଲେ । ଫଳରେ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ 20 ଓଭରରେ ୱିକେଟ ହରାଇ 177 ରନ ସଂଗ୍ରହ କରିଛି ରାଜସ୍ଥାନ ରୟାଲ୍ସ । ଫଳରେ ଆରସିବି ସାମ୍ନାରେ 178 ରନର ବିଜୟ ଲକ୍ଷ୍ୟ ରହିଛି ।
ରାଜସ୍ଥାନ ପକ୍ଷରୁ ସର୍ବାଧିକ 46 ରନ୍ର ଇଂନିସ ଖେଳିଛନ୍ତି ଅଲରାଉଣ୍ଡର ଶିବମ ଦୁବେ । 32ବଲ୍ରୁ 5 ଚୌକା ଓ 2 ଛକା ସହାୟତାରେ 46 ରନ୍ର ଉପଯୋଗୀ ଇଂନିସ ଖେଳିଛନ୍ତି ଦୁବେ । ରାହୁଲ ତେୱାତିଆ ମଧ୍ୟ 23 ବଲ୍ରୁ 4ଚୌକା ଓ 2 ଛକା ସହାୟତାରେ 40 ରନର ଦ୍ରୁତ ଇଂନିସ ଖେଳିଛନ୍ତି । ରିୟାନ ପରାଗ 25 ଓ କ୍ୟାପଟେନ ସଞ୍ଜୁ ସାମସନ ମାତ୍ର 21 ରନର କରିଛନ୍ତି । ତେବେ ଶୀର୍ଷକ୍ରମ ବ୍ୟାଟ୍ସମ୍ୟାନ ଡଜସ ବଟ୍ଲର, ମନନ ଭୋହରା ଓ ମିଲର ଫେଲ୍ ମାରିଥିଲେ ।