ଆବୁଧାବି: ଦିଲ୍ଲୀ କ୍ୟାପିଟାଲ୍ସ ବ୍ୟାଟ୍ସମ୍ୟାନ ଶିଖର ଧାୱନ ଆଇପିଏଲର 13ତମ ସଂସ୍କରଣରେ 600 ରନ ପୂରଣ କରିଛନ୍ତି । ଏଥିସହ ରବିବାର ସର୍ବକାଳୀନ ଆଇପିଏଲ ରନ ସଂଗ୍ରହକାରୀ ବ୍ୟାଟ୍ସମ୍ୟାନ ତାଲିକାରେ ରୋହିତ ଶର୍ମାଙ୍କୁ ପଛରେ ପକାଇଛନ୍ତି । ସନରାଇଜର୍ସ ହାଇଦ୍ରାବାଦ ବିପକ୍ଷ କ୍ବାଲିଫାୟର 2 ମ୍ୟାଚରେ ଏହି ସଫଳତାର ଅଧିକାରୀ ହେଇଛନ୍ତି ଧାୱନ ।
ହାଇଦ୍ରାବାଦ ବିପକ୍ଷରେ 50 ବଲରୁ 2ଟି ଛକା ଓ 6ଟି ଚୌକା ସହାୟତାରେ ବିସ୍ଫୋରକ 78 ରନର ଇଂନିସ ଖେଳିଥିଲେ ବାମହାତୀ ଧାୱନ । ଚଳିତ ଆଇପିଏଲ ସଂସ୍କରଣରେ ଏହା ଷଷ୍ଠ ଅର୍ଦ୍ଧଶତକୀୟ ଇଂନିସ । ଏଥିସହ ଚଳିତ ସଂସ୍କରଣରେ ଦ୍ବିତୀୟ ସର୍ବାଧିକ ବ୍ୟକ୍ତିଗତ ରନ ସଂଗ୍ରହକାରୀ ବ୍ୟାଟ୍ସମ୍ୟାନ ତାଲିକାର ଦ୍ବିତୀୟରେ ପହଞ୍ଚିଯାଇଛନ୍ତି ଦିଲ୍ଲୀ ଓପନର ଧାୱନ ।