ନୂଆଦିଲ୍ଲୀ: ରିୟାନ ପରାଗ । ଆଇପିଏଲରେ ଏହି ନାଁ ଏବେ ଅପରିଚିତ ନୁହେଁ । ଉତ୍ତର ପୂର୍ବ ରାଜ୍ୟର ଆଇପିଏଲ ଖେଳୁଥିବା ଦ୍ବିତୀୟ ଖେଳାଳି ରିୟାନ । ରାଜସ୍ଥାନ ରୟାଲ୍ସ ଦଳର ଏହି ଯୁବ ବ୍ୟାଟ୍ସବ୍ୟାନଙ୍କୁ ନେଇ କିଛି ମଜାଦାର ତଥ୍ୟ ସାମ୍ନାକୁ ଆସିଛି ।
ରିୟାନଙ୍କ ସ୍ବପ୍ନର ଖେଳାଳି ହେଉଛନ୍ତି ଧୋନୀ । ରିୟାନଙ୍କୁ ଯେବେ 5ବର୍ଷ ହୋଇଥିଲା, ସେତେବେଳେ ସେ ଧୋନୀଙ୍କୁ ଭେଟିଥିଲେ । ଗତ 2007ରେ ଗୌହାଟିରେ ଭାରତ ପାକିସ୍ଥାନ ମ୍ୟାଚ ଥିଲା । ପାଞ୍ଚ ମ୍ୟାଚ ବିଶିଷ୍ଟ ସିରିଜରେ ପ୍ରଥମ ମ୍ୟାଚ ଖେଳାଯାଉଥିଲା । ଧୋନୀଙ୍କ 63 ବଲରୁ 77ରନ ବଳରେ ଭାରତ ପାକିସ୍ଥାନକୁ ହରାଇଥିଲା । 240ରନର ଟାର୍ଗେଟକୁ ଭାରତ ଚେସ୍ କରିଥିଲା । ଅଧିନାୟକ ଧୋନୀ ଦମଦାର ଇନିଂସ ପାଇଁ ମ୍ୟାନ ଅଫ ଦି ମ୍ୟାଚ ହୋଇଥିଲେ ।