ବେଙ୍ଗାଲୁରୁ: ବିରାଟ ବାହିନୀକୁ ଘରୋଇ ଗ୍ରାଉଣ୍ଡରେ ଦିଲ୍ଲୀ ଠାରୁ ଲଜ୍ଜାଜନକ ପରାଜୟ ମିଳିଛି । ଦିଲ୍ଲୀର ଘାତକ ବୋଲର୍ କାଗିସୋ ରବାଡାଙ୍କ ଦମଦାର ବୋଲିଂ ଏବଂ କ୍ୟାପଟନ ଶ୍ରେୟସ ଆୟରଙ୍କ ଅର୍ଦ୍ଧଶତକ ବଳରେ ଦିଲ୍ଲୀ କ୍ୟାପିଟଲ୍ସ ଆରସିବି ବିପକ୍ଷରେ 4ଓ୍ବିକେଟ୍ରେ ବିଜୟ ହାସଲ କରିଛି।
ତେବେ ଦିଲ୍ଲୀକୁ 150 ରନର ଟାର୍ଗେଟ ଦେଇଥିଲା ବେଙ୍ଗାଲୁରୁ। ଅଧିନାୟକ କୋହଲି ଏବଂ ମଧ୍ୟକ୍ରମ ବ୍ୟାଟ୍ସମ୍ୟାନଙ୍କ ଉପଯୋଗୀ ଇନିଂସ ବଳରେ ସମ୍ମାନ ଜନକ ସ୍କୋର ଠିଆ କରିଥିବା ଘରୋଇ ଦଳ ।
ତେବେ 18.5 ଓଭରରେ 150ରନ୍ର ଟାର୍ଗେଟ୍ ଅତି ସହଜରେ ଦିଲ୍ଲୀ ହାସଲ କରିଥିଲା । ଦିଲ୍ଲୀର ଅଧିନାୟକ ଶ୍ରେୟସ 50 ବଲ୍ରେ 67ରନ୍ କରିଥିଲେ । ଏହି ମ୍ଯାଚ୍ରେ 21ରନ୍ରେ 4 ଓ୍ବିକେଟ୍ ହାସଲ କରିଥିବା ଦିଲ୍ଲୀର କାଗିସେ ରବାଡାଙ୍କୁ ମ୍ୟାନ୍ ଅଫ୍ ଦି ମ୍ଯାଚ୍ ମିଳିଛି ।
ସୂଚନାମୁତାବକ, ଆରସିବି ତା'ର ପ୍ରଥମ ମ୍ୟାଚ୍ ଚେନ୍ନାଇ ଠାରୁ 7 ଓ୍ବିକେଟ୍ରେ ହରାଇଥିଲା । ଏହାପରେ ମୁମ୍ବାଇ ଠାରୁ 6ରନ୍ରେ, ହାଇଦ୍ରାବାଦ୍ ଠାରୁ 118ରନ୍ରେ, ରାଜସ୍ଥାନରୁ 7 ଓ୍ବିକେଟ୍ରେ, କୋଲକତା ଠାରୁ 5 ଓ୍ବିକେଟ୍ରେ ଓ ଆଜି ଦିଲ୍ଲୀ ଠାରୁ 4 ଓ୍ବିକେଟ୍ରେ ବିରାଟ ବାହିନୀ ହାରିଛି ।