ମୁମ୍ବାଇ: ଭାରତୀୟ ଟିମର ଉପଅଧିନାୟକ ତଥା ଆଇପିଏଲରେ ମୁମ୍ବାଇ ଇଣ୍ଡିଆନ୍ସର ଅଧିନାୟକ ରୋହିତ ଶର୍ମାଙ୍କ ଝିଅ ସମାୟରା ପାପାଙ୍କ ମ୍ୟାଚ ଦେଖିବା ପାଇଁ ପହଁଞ୍ଚି ଥିଲେ ୱାଙ୍ଖେଡେ ଷ୍ଟାଡିୟମରେ। ମା ରୀତିକାଙ୍କ କୋଳରେ ରୋହିତଙ୍କ ତିନିମାସର କୁନି ରାଜକୁମାରୀ ସମାୟରାଙ୍କୁ ଦେଖିବାକୁ ମିଳିଥିଲା। ସୋସିଆଲ ମିଡିଆରେ ଏହି ଫଟୋ ଏବେ ଖୁବ ଭାଇରାଲ ହୋଇଛି।
ଟ୍ବିଟର, ଇନଷ୍ଟାଗ୍ରାମ, ଫେସବୁକ ସବୁଠି ୱାଙ୍ଖେଡେ ଷ୍ଟାଡିୟମର ଏହି ଫଟୋଟି ଭାଇରାଲ ହୋଇଛି। ଆଇପିଏଲ୍ର ତୃତୀୟ ଲିଗ ମ୍ୟାଚରେ ମୁମ୍ବାଇ ଓ ଦିଲ୍ଲୀ ମୁହାଁମୁହାଁ ହୋଇଥିଲେ। ଏହି ମ୍ୟାଚକୁ ଦେଖିବା ପାଇଁ ପହଁଞ୍ଚିଥିଲେ ରିତିକା ଓ ସମାୟରା। ଫଟୋରେ ମାଁ ରିତିକାଙ୍କ ସ୍ନେହ ଓ ସମାୟରାଙ୍କ ନିରିହ ମୁହଁ ଫ୍ୟାନ୍ସଙ୍କ ମନ କିଣୁଛି।