ଶେଷ ଲିଗରେ ସୁପରକିଙ୍ଗ୍ସକୁ ହରାଇଲା କିଙ୍ଗ୍ସ ଇଲେଭେନ

ଚେନ୍ନାଇ ସୁପରକିଙ୍ଗ୍ସକୁ କିଙ୍ଗ୍ସ ଇଲେଭେନ ପଞ୍ଜାବ 6 ୱିକେଟରେ ହରାଇଛି ।

ମୋହାଲି: ଆଜି ଆଇପିଏଲରେ ଚେନ୍ନାଇ ସୁପରକିଙ୍ଗ୍ସ ଓ କିଙ୍ଗ୍ସ ଇଲେଭେନ ପଞ୍ଜାବ ମଧ୍ୟରେ ମୁକାବଲା ହୋଇଥିଲା । ଏହି ମ୍ୟାଚ ଉଭୟ ଦଳର 14ତମ ବା ଶେଷ ଲିଗ ମ୍ୟାଚ ଥିଲା । ଏଥିରେ ଚେନ୍ନାଇ ସୁପରକିଙ୍ଗ୍ସକୁ କିଙ୍ଗ୍ସ ଇଲେଭେନ ପଞ୍ଜାବ 6 ୱିକେଟରେ ହରାଇଛି ।

ପ୍ରଥମେ ବ୍ୟାଟିଂ କରି ସୁପରକିଙ୍ଗ୍ସ ଦଳ ୱାଟସନଙ୍କ ୱିକେଟ ଶୀଘ୍ର ହରାଇଥିଲା । ପରେ ରୈନା ଓ ଡୁପ୍ଲେସିସ ଚେନ୍ନାଇର ବ୍ୟାଟିଂ କମାନ ସମ୍ଭାଳିଥିଲେ । ରୈନା 38 ବଲରୁ 53 ରନକରି ଆଉଟ ହୋଇଥିଲେ । ଡୁପ୍ଲେସିସ 55 ବଲରୁ 96 ରନ କରି ମାତ୍ର 4 ରନପାଇଁ ଶତକରୁ ବଞ୍ଚିତ ହୋଇଥିଲେ । ଡୁପ୍ଲେସିସଙ୍କ ଏହି ପାଳିରେ 10ଟି ଚୌକା ଓ 4 ଟି ଛକା ସାମିଲଥିଲା । ଚେନ୍ନାଇ ସୁପରକିଙ୍ଗ୍ସ 5ୱିକେଟ ହରାଇ 170 ରନ କରିଥିଲା ।

ପଞ୍ଜାବ ପକ୍ଷରୁ ବୋଲିଂରେ ହିରୋ ସାଜିଥିଲେ ସାମ କରନ । ସେ 4ଓଭରରେ 35 ରନ ଦେଇ 3ଟି ୱିକେଟ ନେଇଥିଲେ । କିଙ୍ଗ୍ସ ଇଲେଭେନ ପଞ୍ଜାବକୁ 171 ରନର ଟାର୍ଗେଟ ମିଳିଥିଲା । ଗେଲ ପୁଣି ନିରାଶ କରିଥିଲେ । ସେ ମାତ୍ର 28 କରି ଆଉଟ ହୋଇଥିଲେ । ପଞ୍ଜାବ ପକ୍ଷରୁ ଓପନର ଲୋକେଶ ରାହୁଲ ଆରମ୍ଭରୁ ପ୍ରହାର କରିଥିଲେ । ସେ 36 ବଲରୁ 7ଚୌକା ଓ 5ଟି ଛକା ସହାୟତାରେ 71 ରନ କରିଥିଲେ । ରାହୁଲଙ୍କ ଏହି ଇନିଂସ ଶେଷ ଲିଗ ମ୍ୟାଚରେ ପଞ୍ଜାବର ବିଜୟକୁ ସହଜ କରିଥିଲା । ପରେ ନିକୋଲାସ ପୁରୋନ 22 ବଲରୁ 36 ରନ କରି ଚେନ୍ନାଇ ହାତରୁ ମ୍ୟାଚ ଛଡାଇ ନେଇଥିଲେ ।
ଏହି ବିଜୟ ସହ ପଞ୍ଜାବ ଆଇପିଏଲରୁ ବିଦାୟ ନେଇଛି ।