ଦୁବାଇ: ଭାରତୀୟ କ୍ୟାପଟେନ ମିତାଲିଙ୍କୁ ଝଟ୍କା । ସଦ୍ୟ ପ୍ରକାଶିତ ICC ODI ମାନ୍ୟତାରେ ସପ୍ତମ ସ୍ଥାନକୁ ଖସିଛନ୍ତି ମିତାଲି । ସେହିପରି ଓପନର ସ୍ମୃତି ମାନ୍ଧାନା ମଙ୍ଗଳବାର ଜାରି ହୋଇଥିବା ମାନ୍ୟତା ତାଲିକାରେ ଏକାଦଶ ସ୍ଥାନକୁ ଖସିଛନ୍ତି । ନ୍ୟୁଜିଲାଣ୍ଡରେ ଖେଳାଯାଉଥିବା ଚଳିତ ମହିଳା ଦିନିକିଆ ବିଶ୍ବକପରେ ପ୍ରଦର୍ଶନ ଆଧାରରେ ମାନ୍ୟତା ତାଲିକା ପ୍ରକାଶ ପାଇଛି ।
ଗତ ସପ୍ତାହରେ ଦୁଇଟି ସ୍ଥାନ ହରାଇଥିବା ମିତାଲି ୬୯୬ ରେଟିଂ ପଏଣ୍ଟ ସହ ଯୁଗ୍ମ ଭାବେ ଅଷ୍ଟ୍ରେଲିଆର ରାଚେଲ ହେଇନ୍ସଙ୍କ ସହିତ ସପ୍ତମ ସ୍ଥାନରେ ରହିଛନ୍ତି । ମହିଳା ଦିନିକିଆ ବିଶ୍ବକପରେ ଭାରତ ଖେଳିଥିବା ନ୍ୟୁଜିଲାଣ୍ଡ ଓ ୱେଷ୍ଟଇଣ୍ଡିଜ ବିପକ୍ଷ ମ୍ୟାଚ୍ରେ ମିତାଲି ଯଥାକ୍ରମେ ୩୧ ଓ ୫ ରନ୍ କରି ନିରାଶ କରିଥିଲେ। ଏହି ପ୍ରଦର୍ଶନ ICC ମାନ୍ୟତାରେ ପ୍ରତିଫଳିତ ହୋଇଛି । ଅନ୍ୟପଟେ ୱେଷ୍ଟଇଣ୍ଡିଜ ବିପକ୍ଷରେ ଶନିବାର ୧୨୩ ରନ୍ର ଶତକୀୟ ଇଂନିସ ଖେଳିବା ସତ୍ତ୍ବେ ମଧ୍ୟ ମାନ୍ଧାନା ଟପ ଟେନରୁ ବାଦ୍ ପଡିଛନ୍ତି ଓ ଏକାଦଶରେ ସ୍ଥାନରେ ରହିଛନ୍ତି ।