କଟକ:ବାରବାଟୀରେ ଦୃଷ୍ଟିହୀନ ଵିଶ୍ବକପ ଟି-୨୦ କ୍ରିକେଟ ମ୍ୟାଚ । ଵାଂଲାଦେଶକୁ 7 ୱିକେଟରେ ହରାଇଲା ଭାରତ । ଟି ଦୁର୍ଗା ରାଓଙ୍କ ଧୂଆଁଧାର 73ରନ ବଳରେ ଏହି ମ୍ୟାଚରେ ରୋମାଞ୍ଚକର ବିଜୟ ହାସଲ କରିଛି ଭାରତ । ଭ୍ରମଣକାରୀ ଵାଂଲାଦେଶ ନିର୍ଦ୍ଧାରିତ 20 ଓଭରରେ 4 ୱିକେଟ ହରାଇ 166 ରନ କରିଥିଲା । ଏହାର ଜବାବରେ ଭାରତ ଟି ଦୁର୍ଗା ରାଓ ଦମଦାର ଅର୍ଦ୍ଧଶତକ ବଳରେ ସହଜରେ ଟାର୍ଗେଟ ହାସଲ କରିନେଇଛି ।
ବାରବାଟୀରେ ଖେଳାଯାଇଥିବା ଭାରତ ଓ ଵାଂଲାଦେଶ ଦୃଷ୍ଟିହୀନ ବିଶ୍ବକପ ତୃତୀୟ ଟି-୨୦ ମ୍ୟାଚରେ ଟସ୍ ଜିତି ଭାରତ ପ୍ରଥମେ ଵୋଲିଂ ନିଷ୍ପତ୍ତି ନେଇଥିଲା । ଭାରତଠାରୁ ପ୍ରଥମେ ବ୍ୟାଟିଂ ଆମନ୍ତ୍ରଣ ପାଇ ପଡିଆକୁ ଓହ୍ଲାଇଥିଲା ବାଂଲାଦେଶ । ଵାଂଲାଦେଶ ନିର୍ଦ୍ଧାରିତ 20 ଓଭରରେ 4 ୱିକେଟ ହରାଇ 166 ରନ କରିଥିଲା । ଅଧିନାୟକ ଆସିକୁର ରେହେମାନଙ୍କ ଅର୍ଦ୍ଧଶତକ ବଳରେ ଦଳ ୧୬୬ ରନ କରିବାରେ ସକ୍ଷମ ହୋଇଥିଲା । ସେ ସର୍ବାଧିକ ୭୫ ରନର ଅର୍ଦ୍ଧଶତକୀୟ ପାଳି ଖେଳିଥିଲେ । ମହମ୍ମଦ ଆରିଫ 33 ରନ ଓ ତାଞ୍ଜିଲ 20 ରନ କରିଥିଲେ । ନକୁଲ ବଡନାୟକ ୨ ଓଭର ବୋଲିଂ କରି ୭ ରନ ବ୍ୟୟରେ ଗୋଟିଏ ୱିକେଟ ନେଇଥିଲେ ।