ଡୋମିନିକା:ଘରୋଇ ୱେଷ୍ଟଇଣ୍ଡିଜ ଓ ଭାରତ ମଧ୍ୟରେ ଆରମ୍ଭ ହୋଇଥିବା ପ୍ରଥମ ଟେଷ୍ଟରେ ଭାରତୀୟ ସ୍ପିନର ରବିଚନ୍ଦ୍ରନ ଅଶ୍ବିନୀ ଜବରଦସ୍ତ ପ୍ରଦର୍ଶନ କରିଛନ୍ତି । ପ୍ରଥମ ଦିନ 5ୱିକେଟ ନେଇ ସ୍ପିନ ଜାଲରେ ୱେଷ୍ଟଇଣ୍ଡିଜ ବ୍ୟାଟରଙ୍କୁ ଫସାଇ ଦେଇଥିଲେ । ୱେଷ୍ଟଇଣ୍ଡିଜ ଓ ଭାରତ ପ୍ରଥମ ଟେଷ୍ଟ ପ୍ରଥମ ଇନିଂସରେ ଅଶ୍ବିନୀ ପ୍ରଥମ ଚନ୍ଦରପାଲଙ୍କୁ ଆଉଟ କରିଥିଲେ । ଚନ୍ଦରପାଲଙ୍କୁ ଆଉଟ କରି ଅଶ୍ବିନୀ ବିଶ୍ବର ପଞ୍ଚମ ବୋଲ ଭାବେ ଉଭୟ ବାପପୁଅଙ୍କୁ ଆଉଟ କରିବାର ବିରଳ ରେକର୍ଡ କରିଛନ୍ତି । ଏହା ସହ ପ୍ରଥମ ଭାରତୀୟ ବୋଲର ଭାବେ ସେ ଏହି ସଫଳତା ହାସଲ କରିଛନ୍ତି ।
ଭାରତୀୟ ସ୍ପିନର ଅଶ୍ବିନୀ 2011ରେ ଟେଷ୍ଟ ଡେବ୍ୟୁ କରିଥିଲେ । ଏହି ମ୍ୟାଚରେ 12 ବର୍ଷ ପୂର୍ବେ ସେ ତେଜନାରାୟଣ ଚନ୍ଦ୍ରରପାଲଙ୍କ ବାପା ତଥା ୱେଷ୍ଟଇଣ୍ଡିଜ ପୂର୍ବତନ ଅଧିନାୟକ ଶିବନାରିନ ଚନ୍ଦ୍ରରପାଲଙ୍କୁ ଆଉଟ କରିଥିଲେ । 2023ରେ ତେଜନାରାୟଣ ଚନ୍ଦ୍ରରପାଲଙ୍କୁ ଆଉଟ କରି ବାପା-ପୁଅଙ୍କ ୱିକେଟ ନେବାରେ ବିଶ୍ବରେ ପଞ୍ଚମ ଓ ପ୍ରଥମ ଭାରତୀୟ ବୋଲର ଭାବେ ସଫଳତା ହାସଲ କରିଛନ୍ତି । ଅଶ୍ବିନୀଙ୍କ ପୂର୍ବରୁ ଇଂଲଣ୍ଡର ଇଆନବେଥାମ, ପାକିସ୍ତାନର ୱାସିମ ଆକ୍ରାମ ଉଭୟ ନ୍ୟୁଜିଲାଣ୍ଡର ବାପାପୁଅ ଲାନ୍ସ ଓ କ୍ରିସ କେନ୍ନସଙ୍କୁ ଆଉଟ କରିଥିଲେ । ଅଷ୍ଟ୍ରେଲିଆର ମିଚେଲ ଷ୍ଟାର୍କ ଓ ଦକ୍ଷିଣ ଆଫ୍ରିକାର ସାଇମନ ହାର୍ମର ଇଣ୍ଡିଜ ଚନ୍ଦ୍ରରପାଲ ବାପାପୁଅଙ୍କୁ ଆଉଟ କରିଥିଲେ ।