ହାଇଦ୍ରାବାଦ: ଆଜି ଏସିଆ କପରେ ଭାରତ ଓ ପାକିସ୍ତାନ ମଧ୍ୟରେ କଡା ମୁକାବିଲା ଆରମ୍ଭ ହୋଇଛି । ଅପରାହ୍ନ 3ଟା ସମୟରେ ଶ୍ରୀଲଙ୍କାର କାଣ୍ଡି ସହର ପାଲ୍ଲେକେଲ ଷ୍ଟାଡିୟମରେ ମ୍ୟାଚ ଆରମ୍ଭ ହୋଇଛି । ଭାରତ ପ୍ରଥମେ ଟସ ଜିତି ବ୍ୟାଟିଂ ଆରମ୍ଭ କରିଛି । ଦୁଇ ଓପନର ମାପି ଚୁପି ପାଳି ଆରମ୍ଭ କରିଛନ୍ତି । ତେବେ ଭାରତର ପ୍ଲେଇ 11ରୁ ଦୃତ ବୋଲର ମହମ୍ମଦ ସାମି ବାଦ ପଡିଛନ୍ତି । ପୂର୍ବରୁ ବର୍ଷା ବାଧକ ସାଜିପାରେ ବୋଲି ଶୁକ୍ରବାର ସ୍ଥାନୀୟ ପାଣିପାଗ ବିଶେଷଜ୍ଞ କହିଥିଲେ । ଯାହା ଫ୍ୟାନ୍ସଙ୍କର ଚିନ୍ତା ବଢ଼ାଇ ଦେଇଥିଲା। ଏବେ କିନ୍ତୁ ପାଣିପାଗକୁ ନେଇ ଫ୍ୟାନ୍ସଙ୍କ ପାଇଁ ଖୁସୀ ଖବର ଆସିଛି।
ପାଣିପାଗ ବିଭାଗ ସୂଚନା ଅନୁଯାୟୀ, ସକାଳ 9ଟା 9 ମିନିଟ ସମୟରେ ପାଗରେ ପରିବର୍ତ୍ତନ ହୋଇଛି। ଆଜି କାଣ୍ଡିରେ ବର୍ଷା ହେବାର ସମ୍ଭାବନା ବହୁତ କମ ଥିଲେ ମଧ୍ୟ ଆକାଶ ମେଘାଚ୍ଛନ୍ନ ରହିବ । ଶୁକ୍ରବାର କାଣ୍ଡିରେ 68 ପ୍ରତିଶତ ବର୍ଷା ହେବାର ସମ୍ଭାବନା ରହିଥିଲା। ଆଜି 15ରୁ 19 ପ୍ରତିଶତ ବର୍ଷା ହେବାର ସମ୍ଭାବନା ରହିଛି ବୋଲି ପାଣିପାଗ ବିଭାଗ ଆକଳନ କରିଛି। ପାଲ୍ଲେକେଲରେ ଜଣେ କ୍ରିକେଟ ପ୍ରେମୀ କହିଛନ୍ତି ଯେ, ଆଜି ପାଗ ଭଲ ରହିଛି। ଭାରତ ଓ ପାକିସ୍ତାନ ମ୍ୟାଚ ଦେଖିବାକୁ ଆମେ ଉତ୍ସାହିତ ଅଛୁ। ଭାରତ ଏହି ମ୍ୟାଚରେ ବିଜୟୀ ହେବ ବୋଲି ଆମର ଆଶା।