ହାଇଦ୍ରାବାଦ: ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଛନ୍ତି ଅଧିନାୟକ ରୋହିତ ଶର୍ମା । ଇଂଲଣ୍ଡକୁ ପ୍ରଥମେ ବ୍ୟାଟିଂ ପାଇଁ ଆମନ୍ତ୍ରଣ କରିଛି ଭାରତ । ଭାରତ ଓ ଇଂଲଣ୍ଡ ମଧ୍ୟରେ ଖେଳାଯାଉଥିବା ଦିନିକିଆ ସିରିଜର ନିର୍ଣ୍ଣାୟକ ମ୍ୟାଚ୍ ଆଜି (ରବିବାର) ମାଞ୍ଚେଷ୍ଟରରେ ଖେଳାଯାଉଛି । ତେବେ ସିରିଜ ଜିତିବା ଲକ୍ଷ୍ୟରେ ରହିବେ ଉଭୟ ଦଳ । ପ୍ରଥମ ମ୍ୟାଚ୍କୁ ୧୦ ୱିକେଟରେ ଏକତରଫା ଜିତିଥିଲା ଭାରତ, ମାତ୍ର ଲର୍ଡ୍ସରେ ଦ୍ବିତୀୟ ଦିନିକିଆରେ ଘରୋଇ ଦଳ ୧୦୦ ରନ୍ରେ ବିଜୟୀ ହେବାସହ ସିରିଜ ୧-୧ରେ ବରାବର ରହିଛି ।
ଆଜି ସୁପର ସନ୍ଡେରେ କ୍ରିକେଟର ସୁପର ସୋ ହେବ । ସିରିଜ ଜିତିବା ଲକ୍ଷ୍ୟରେ ପଡିଆକୁ ଓହ୍ଲାଇବ ରୋହିତ ବାହିନୀ । ପ୍ରଥମ ଦିନିକିଆ ମ୍ୟାଚରେ ଇଂଲଣ୍ଡକୁ ୧୦ ୱିକେଟରେ ହରାଇ ଭାରତ ମ୍ୟାଚକୁ ନିଜ ସପକ୍ଷରେ ନେଇଥିଲା । ତେବେ ଦ୍ବିତୀୟ ଦିନିକିଆରେ ଭାରତର ବ୍ୟାଟିଂ ଫେଲ୍ ମାରିଥିଲା । ଯାହା ଫଳରେ ଭାରତକୁ ଇଂଲଣ୍ଡଠାରୁ ୧୦୦ ରନରେ ପରାସ୍ତ ହେବାକୁ ପଡିଥିଲା । ତେବେ ଆଜି ନିର୍ଣ୍ଣାୟକ ମ୍ୟାଚରେ ଉଭୟ ବୋଲିଂ ଏବଂ ବ୍ୟାଟିଂ ଉପରେ ବିଶେଷ ଦୃଷ୍ଟି ଦେଇପାରେ ଭାରତ । ସେପଟେ ଫର୍ମରେ ନଥିବା ବିରାଟ କୋହଲିଙ୍କ ଉପରେ କ୍ରିକେଟପ୍ରେମୀଙ୍କର ନଜର ରହିବ । ଇଂଲଣ୍ଡ ବିପକ୍ଷ ଟି୨୦ ସିରିଜରେ ନିରାଶ କରିଥିବା କୋହଲି ଦିନିକିଆ ୫୦ ଓଭର ମ୍ୟାଚରେ ନିଜକୁ ପ୍ରମାଣିତ କରିବା ପାଇଁ କ୍ରିଜରେ ଅଧିକ ସମୟ ପାଇବେ ବୋଲି ସମସ୍ତଙ୍କର ଆଶା ରହିଛି ।
ସେହିପରି ଇଂଲଣ୍ଡ ଦ୍ବିତୀୟ ଦିନିକିଆ ମ୍ୟାଚ୍ ଜିତି 1-1ରେ ସିରିଜ ବରାବର କରିଥିବା ବେଳେ ନିର୍ଣ୍ଣାୟକ ମ୍ୟାଚ ନିଜ ସପକ୍ଷରେ ନେବାକୁ ପୁରା ଜୋଶ ଲଗାଇବ ଜୋସ ବଟଲର ବାହିନୀ । ଫଳରେ ଆଜିର ମ୍ୟାଚରେ ଏକ ଏକ୍ସାଇଟିଂ ମ୍ୟାଚ ଦେଖିବାକୁ ମିଳିବ ବୋଲି କ୍ରିକେଟପ୍ରେମୀ ଆଶା କରିଛନ୍ତି ।