ଚଣ୍ଡିଗଡ଼:ଆଜି ପଞ୍ଜାବର ମୋହାଲି ଷ୍ଟାଡିୟମରେ ଭାରତ ଓ ଆଫଗାନିସ୍ତାନ ମଧ୍ୟରେ ଖେଳାଯାଇଛି ପ୍ରଥମ ଟି-ଟ୍ବେଣ୍ଟି ମ୍ୟାଚ୍ । ଏହି ମ୍ୟାଚ୍ରେ ଟିମ ଇଣ୍ଡିଆ 6 ୱିକେଟରେ ଆଫଗାନିସ୍ତାନକୁ ପରାସ୍ତ କରିଛି । ଦଳର ଯୁବ କ୍ରିକେଟର ଶିବମ ଦୁବେଙ୍କ ଦମଦାର ଅର୍ଦ୍ଧଶତକ ବଳରେ ଭାରତ ଏହି ବିଜୟ ହାସଲ କରିଛି । 20 ଓଭର ସୁଦ୍ଧା ଆଫଗାନିସ୍ତାନ 5 ୱିକେଟ ହରାଇ ଭାରତକୁ 159 ରନ ଟାର୍ଗେଟ ଦେଇଥିଲା । ତେବେ ଭାରତୀୟ ଟିମ 17.3 ଓଭର ସୁଦ୍ଧା ଲକ୍ଷ୍ୟ ପୂରଣ କରି ବିଜୟରୁ ଅଭିଯାନ ଆରମ୍ଭ କରିଛି ।
ଏହା ବି ପଢନ୍ତୁ- ଆଜି ଭାରତ-ଆଫଗାନିସ୍ତାନ ପ୍ରଥମ ଟି ଟ୍ବେଣ୍ଟି, ମୋହାଲିରେ ଖେଳାଯିବ ମ୍ୟାଚ୍
ଆଜି ଦଳର ଅନ୍ୟତମ ଷ୍ଟାର କ୍ରିକେଟର ବିରାଟ କୋହଲିଙ୍କ ବିନା ରୋହିତ ବାହିନୀ ଯୁବ କ୍ରିକେଟରଙ୍କୁ ନେଇ ମୈଦାନକୁ ଓହ୍ଲାଇଥିଲା । ଭାରତ ଟସ ଜିତି ପ୍ରଥମ ବୋଲିଂ ପାଇଁ ନିଷ୍ପତ୍ତି ନେଇଥିଲା । ବିପକ୍ଷ ଆଫଗାନିସ୍ତାନ ଟିମ ସମ୍ପୂର୍ଣ୍ଣ 20 ଓଭର ଖେଳି 5 ୱିକେଟ ହରାଇ 158 ରନ କରିଥିଲା । ଆଫଗାନିସ୍ତାନ ଓପନର ରେହମାନଉଲ୍ଲା ଗରବାଜ ଓ ଇବ୍ରାହିମ ଜାରଦାନ ଯଥାକ୍ରମେ 23 ଓ 25 ରନ୍ କରିଥିଲେ । ସେହିପରି ମହମ୍ମଦ ନବି ସର୍ବାଧିକ 42 ରନ୍ କରିଥିଲେ । ଭାରତୀୟ ବୋଲର ମୁକେଶ କୁମାର ଓ ଅକ୍ଷର ପଟେଲଙ୍କୁ 2ଟି ଲେଖାଏଁ ୱିକେଟ ମିଳିଥିଲା । ଶିବମ ଦୁବେ 2 ଓଭର ବୋଲିଂ କରିଥିବା ବେଳେ ଗୋଟିଏ ୱିକେଟ ନେଇଥିଲେ ।